ആരാധനാലയങ്ങള്‍ തുറന്നേ മതിയാവൂ

ഗള്‍ഫില്‍ കോവിഡ് ബാധിച്ച മരിച്ച പലരുടെയും കുടുംബത്തിലെ അവസ്ഥ പരിതാപകരമെന്ന് കെ മുരളീധരന്‍ എംപി. ഇവരുടെ കുടുംബങ്ങളുടെ സംരക്ഷണം സര്‍ക്കാര്‍ ഏറ്റെടുക്കണം. മുഖ്യമന്ത്രിയുടെ അനുശോചനം കൊണ്ട് അത്തരം കുടുംബങ്ങളുടെ വയര്‍ നിറയില്ലെന്നും മുരളീധരന്‍ പറഞ്ഞു.

ആരാധനാലയങ്ങള്‍ തുറന്നേ മതിയാവൂ എന്നും കെ മുരളീധരന്‍ ആവശ്യപ്പെട്ടു. നിയന്ത്രണം മാറ്റിയില്ലെങ്കിലും ഭക്തന്മാര്‍ ദര്‍ശനത്തിന് പോകും. തടയാന്‍ നിന്നാല്‍ സര്‍ക്കാരിന്റെ കൈ പൊള്ളും. ശബരിമല ഓര്‍ക്കുന്നതാണ് സര്‍ക്കാരിന് നല്ലത്. കൂടുതല്‍ കൈ പൊള്ളിക്കണമോയെന്ന് സര്‍ക്കാര്‍ ആലോചിക്കണമെന്നും കെ മുരളീധരന്‍ പറഞ്ഞു.

കേരളത്തില്‍ ആരാധനാലയങ്ങള്‍ തുറക്കുന്ന കാര്യത്തില്‍ തീരുമാനമായിട്ടില്ല.