സ്വര്ണക്കടത്ത് കേസുമായി ബന്ധപ്പെട്ട് മുന് പ്രിന്സിപ്പല് സെക്രട്ടറി എം. ശിവശങ്കറിന്റെ അറസ്റ്റ് തടയാന് സംസ്ഥാന സര്ക്കാര് ശ്രമിക്കുന്നെന്ന വാര്ത്ത തീര്ത്തും അടിസ്ഥാനരഹിതവും ദുരുപദിഷ്ടവുമാണെന്ന് മുഖ്യമന്ത്രി പിണറായി വിജയന്
സ്വര്ണക്കടത്ത് കേസുമായി ബന്ധപ്പെട്ട് മുന് പ്രിന്സിപ്പല് സെക്രട്ടറി എം. ശിവശങ്കറിന്റെ അറസ്റ്റ് തടയാന് സംസ്ഥാന സര്ക്കാര് ശ്രമിക്കുന്നെന്ന വാര്ത്ത തീര്ത്തും അടിസ്ഥാനരഹിതവും ദുരുപദിഷ്ടവുമാണെന്ന് മുഖ്യമന്ത്രി പിണറായി വിജയന്. കേന്ദ്ര അന്വേഷണ ഏജന്സി ഒരാളെ അറസ്റ്റ് ചെയ്യാന് തീരുമാനിച്ചിട്ടുണ്ടെങ്കില് അതു തടയാന് സംസ്ഥാന സര്ക്കാരിന് കഴിയില്ല. അറസ്റ്റ് തടയാന് വേണ്ടിയാണ് ശിവശങ്കറെ മെഡിക്കല് കോളേജ് ആശുപത്രിയിലേക്ക് മാറ്റിയതെന്ന് പറയുന്നത് ഭാവനയാണ്. ഒരാളെ ആശുപത്രിയില് പ്രവേശിപ്പിക്കുന്നതും ഡിസ്ചാര്ജ് ചെയ്യുന്നതും വൈദ്യശാസ്ത്രപരമായ നടപടിയാണ്. അതില് സര്ക്കാരിന് ഒരു കാര്യവുമില്ലെന്ന പ്രാഥമിക അറിവു പോലും ഇല്ലാത്ത മട്ടിലാണ് ഈ വാര്ത്ത വന്നതെന്നും മുഖമന്ത്രി പറഞ്ഞു.
No comments