മുഖ്യമന്ത്രിയുടെ കേരള പര്യടനം പരിപാടിക്കിടെ ഇടുക്കിയില് അറസ്റ്റ്.
ഇടുക്കി: മുഖ്യമന്ത്രിയുടെ കേരള പര്യടനം പരിപാടിക്കിടെ ഇടുക്കിയില് അറസ്റ്റ്. പരിപാടിയില് പങ്കെടുക്കാനെത്തിയ കെ പി സി സി അംഗം സി പി മാത്യുവിനെയാണ് പൊലീസ് ബലം പ്രയോഗിച്ച് അറസ്റ്റ് ചെയ്തത്. അനുമതിയില്ലാതെ പരിപാടിയില് പങ്കെടുക്കാന് എത്തിയതിനാണ് മാത്യുവിനെ അറസ്റ്റ് ചെയ്തതെന്നാണ് പൊലീസ് വിശദീകരണം.
തൊടുപുഴയിലെ സ്വകാര്യ റിസോര്ട്ടിലായിരുന്നു പരിപാടി. ക്ഷണിക്കപ്പെട്ട പ്രതിനിധികള്ക്ക് മാത്രമായിരുന്നു പരിപാടിയില് പ്രവേശനം. ഇതിനിടെയാണ് കെ പി സി സി അംഗം റിസോര്ട്ടില് എത്തിയത്.
മാത്യു മാദ്ധ്യമങ്ങള്ക്ക് മുന്നില് സംസാരിച്ചതിന് പിന്നാലെ പൊലീസ് എത്തി അറസ്റ്റുചെയ്ത് നീക്കുകയായിരുന്നു.
No comments