കോങ്ങാട് എം.എല്.എ കെ.വി. വിജയദാസ് അന്തരിച്ചു.
തൃശൂര്: കോങ്ങാട് എം.എല്.എ കെ.വി. വിജയദാസ് അന്തരിച്ചു. 61 വയസ്സായിരുന്നു. കോവിഡാനന്തര പക്ഷാഘാതം, ശ്വാസകോശ രോഗം എന്നിവ ബാധിച്ച് തൃശൂര് മെഡിക്കല് കോളജ് ആശുപത്രിയില് ചികിത്സയിലായിരുന്നു.
രക്തസമ്മര്ദവും ധാതുലവണങ്ങള്, ഓക്സിജന് എന്നിവയുടെ ഏറ്റക്കുറച്ചിലും കാരണം ആരോഗ്യനില കൂടുതല് സങ്കീര്ണാവസ്ഥയിലാവുകയായിരുന്നു.
സി.പി.എം നേതാവായ ഇദ്ദേഹം 2011 മുതല് കോങ്ങാട് നിയമസഭാ മണ്ഡലത്തെ പ്രതിനിധീകരിക്കുന്നുണ്ട്. 1975ല് കെ.എസ്.വൈ.എഫ് പ്രവര്ത്തകനായാണ് രാഷ്ട്രീയ ജീവിതം ആരംഭിക്കുന്നത്. 1996ല് ജില്ല പഞ്ചായത്ത് പ്രസിഡന്റായി ചുമതലയേറ്റു. പാലക്കാട് എലപ്പുള്ളി സ്വദേശിയാണ്.
No comments