പാലായില് വിട്ടുവീഴ്ചയ്ക്കൊരുങ്ങി മാണി സി. കാപ്പന് വിഭാഗം
പാലാ , ; പാലായില് വിട്ടുവീഴ്ചയ്ക്കൊരുങ്ങി മാണി സി. കാപ്പന് വിഭാഗം. രാജ്യസഭാ സീറ്റോ പകരം വാഗ്ദാനമോ വേണമെന്നാണ് കാപ്പന് വിഭാഗത്തിന്റെ ആവശ്യം. പാലാ സീറ്റ് നല്കാമെന്ന കാര്യത്തില് ഉറപ്പ് നല്കണമെന്ന നിലപാടിലായിരുന്നു നേരത്തെ മാണി സി കാപ്പന്. എന്നാല് ഇപ്പോള് ഈ നിലപാടില് അയവ് വരുത്തിയിട്ടുണ്ട്. മുഖ്യമന്ത്രിയുമായി നടത്തിയ ചര്ച്ചയിലും എന്സിപി നേതൃത്വവുമായി നടത്തിയ ചര്ച്ചയിലും സീറ്റിന്റെ കാര്യത്തില് ഉറപ്പ് ലഭിച്ചിരുന്നില്ല.
അതേസമയം, എന്സിപിയില് ഭിന്നത രൂക്ഷമായിരിക്കെ സംസ്ഥാന അധ്യക്ഷന് ടി.പി. പീതാംബരന് ഇന്ന് മുംബൈയിലെത്തി ശരദ് പവാറിനെ വീണ്ടും കാണും. കഴിഞ്ഞ ദിവസം മുഖ്യമന്ത്രി പിണറായി വിജയനുമായി നടത്തിയ ചര്ച്ചയ്ക്കു പിന്നാലെയാണ് കൂടിക്കാഴ്ച.സംസ്ഥാനത്തെ രാഷ്ട്രീയ സാഹചര്യങ്ങളും എല്ഡിഎഫില് അവഗണന നേരിടുന്ന വിഷയങ്ങളും പാര്ട്ടി അധ്യക്ഷനെ ബോധിപ്പിക്കും.
No comments