കര്ണാടക ജലവിഭവ വകുപ്പ് മന്ത്രി രമേശ് ജാര്ക്കിഹോളി രാജിവെച്ചു
ബെംഗളുരു: കര്ണാടക ജലവിഭവ വകുപ്പ് മന്ത്രി രമേശ് ജാര്ക്കിഹോളി രാജിവെച്ചു. മന്ത്രിക്കെതിരെ ലൈംഗിക പീഡന പരാതി വന്നതിനാല് ആണ് അദ്ദേഹം രാജിവച്ചത്. താന് രാജിവയ്ക്കുന്നത് ധാര്മ്മികത മുന്നിര്ത്തിയാണെന്നും പരാതി വ്യാജമാണെന്നും മന്ത്രി പറഞ്ഞു.ആരോപണത്തെപ്പറ്റി സത്യസന്ധമായ അന്വേഷണം നടത്തണമെന്നും അദ്ദേഹം പറഞ്ഞു. മുഖ്യമന്ത്രി ബി. എസ് യെദ്യൂരപ്പ രാജി സ്വീകരിക്കുകയും ചെയ്തു.
സര്ക്കാര് ജോലി വാഗ്ദാനം ചെയ്ത് യുവതിയെ പീഡിപ്പിച്ചെന്നാണ് ആരോപണം. കോണ്ഗ്രസ്-ജെ.ഡി.എസ് സഖ്യസര്ക്കാറിനെ താഴെയിറക്കാന് വിമത നീക്കത്തിന് നേതൃത്വം നല്കിയ നേതാവാണ് രമേശ് ജാര്ക്കിഹോളി. പീഡന പരാതിയില് വിശദമായ അന്വേഷണം വേണമെന്നാവശ്യപ്പെട്ട് യുവതിക്കുവേണ്ടി ബംഗളൂരുവിലെ ആക്ടിവിസ്റ്റ് ദിനേശ് കല്ലഹള്ളി ബംഗളൂരു സിറ്റി പൊലീസ് കമീഷണര് കമല് പന്തിന് പരാതി നല്കിയിരുന്നു.
No comments