നേമം ബി.ജെ.പിയില് നിന്നും പിടിച്ചെടുക്കാന് കോണ്ഗ്രസ്..!! കെ.മുരളീധരനെ ഇറക്കിയേക്കും..
തിരുവനന്തപുരം: ബി.ജെ.പിയുടെ കയ്യിലുള്ള കേരളത്തിലെ ഏക നിയമസഭ മണ്ഡലമായ നേമം പിടിക്കാനൊരുങ്ങി കോണ്ഗ്രസ്. കെ.കരുണാകരന്റെ പഴയ തട്ടകമായ നേമത്ത് മകന് കെ.മുരളീധരനെത്തന്നെ ഇറക്കാന് കോണ്ഗ്രസ് ചര്ച്ചകള് നടത്തുന്നതായാണ് വിവരം. അതേ സമയം നേമവുമായി ബന്ധപ്പെട്ട് ഒരു ചര്ച്ചയും നടന്നിട്ടില്ലെന്ന് കെ.മുരളീധരന് അറിയിച്ചു.
നിലവില് വടകര എം.പിയായ കെ.മുരളീധരന് സന്നദ്ധത അറിയിച്ചില്ലെങ്കില് ഉമ്മന്ചാണ്ടിയോ രമേശ് ചെന്നിത്തലയോ അടക്കമുള്ള മുതിര്ന്ന നേതാക്കളെയും പരിഗണിക്കുമെന്നാണ് വിവരം. തിരുവനന്തപുരത്തെ വട്ടിയൂര്ക്കാവ് മണ്ഡലത്തില് നിന്നും മുരളീധരന് രണ്ടുതവണ നിയമസഭയിലെത്തിയിട്ടുണ്ട്.
നേമത്ത് ശക്തനായ സ്ഥാനാര്ഥിയെ ഇറക്കുന്നത് കേരളത്തിലെ ഫലത്തെ മൊത്തം അനുകൂലമായി സ്വാധീനിക്കുമെന്ന വിശ്വാസത്തിലാണ് കോണ്ഗ്രസ്.
കഴിഞ്ഞ തവണ 8,671 വോട്ടുകള്ക്കാണ് ഒ.രാജഗോപാല് സി.പി.എമ്മിലെ വി.ശിവന്കുട്ടിയ പരാജയപ്പെടുത്തിയത്. യു.ഡി.എഫ് സ്ഥാനാര്ഥിയായി മത്സരിച്ച ജെ.ഡി.യുവിന് വി.സുരേന്ദ്രന് പിള്ളക്ക് 13,860 വോട്ടുകള് മാത്രമാണ് നേടാനായത്.
No comments