കോവിഡ് വ്യാപനം അതിരൂക്ഷമാകുന്ന സാഹചര്യത്തില് സംസ്ഥാനത്ത് നിയന്ത്രണങ്ങള് കര്ശനമാക്കി.
തിരുവനന്തപുരം: കോവിഡ് വ്യാപനം അതിരൂക്ഷമാകുന്ന സാഹചര്യത്തില് സംസ്ഥാനത്ത് നിയന്ത്രണങ്ങള് കര്ശനമാക്കി. സംസ്ഥാനത്ത് പുതിയ കോവിഡ് നിയന്ത്രണങ്ങളുമായി സര്ക്കാര് ഉത്തരവ് ഇന്നലെയാണ് പുറത്തിറങ്ങിയത്.
പുതിയ ഉത്തരവ് പ്രകാരം, ടെസ്റ്റ് പോസിറ്റിവിറ്റി നിരക്ക്(ടിപിആര്) കൂടിയ മേഖലകളില് ജില്ലാ മജിസ്ട്രേറ്റുമാര്ക്ക് നിരോധനാജ്ഞ പ്രഖ്യാപിക്കാം. ആളുകള് കൂടുന്നത് ഒഴിവാക്കണമെന്നാണ് നിര്ദേശം. ഇഫ്താര് വിരുന്നുകള് ഒഴിവാക്കാന് ശ്രമിക്കണം. ബസുകളില് നില്പ് യാത്ര അനുവദിക്കില്ല എന്നിവയും ഉത്തരവില് ഉള്പ്പെടുന്നു.
പൊതുപരിപാടികളില് പരമാവധി 200 പേരെ മാത്രമേ പങ്കെടുപ്പിക്കാവൂ. അടച്ചിട്ടമുറികളില് നടക്കുന്ന പരിപാടികളിലും യോഗങ്ങളിലും പരമാവധി 100 പേര് മാത്രം.
No comments