ഇന്ത്യയില്നിന്ന് ഖത്തറിലേക്ക് യാത്രക്കാരുടെ എണ്ണം കൂടിയതോടെ കൂടുതല് സര്വിസുകളുമായി എയര് ഇന്ത്യ
ദോഹ: ഇന്ത്യയില്നിന്ന് ഖത്തറിലേക്ക് യാത്രക്കാരുടെ എണ്ണം കൂടിയതോടെ കൂടുതല് സര്വിസുകളുമായി എയര് ഇന്ത്യ. ആഗസ്റ്റ് ഒന്നു മുതല് ഒക്ടോബര് 29 വരെ മുംബൈ, ഹൈദരാബാദ്, കൊച്ചി എന്നീ നഗരങ്ങളിലേക്കാണ് ആഴ്ചയില് രണ്ട് സര്വീസുകള് കൂടി വര്ധിപ്പിക്കാന് എയര് ഇന്ത്യ തീരുമാനിച്ചത്. നിലവിലെ സര്വിസുകള്ക്ക് പുറമെയാണ് ആഗസ്റ്റ് ഒന്നുമുതലുള്ള അധിക സര്വിസുകള്. തിങ്കളാഴ്ച മുതല് ബുക്കിങ് ആരംഭിച്ചതായി എയര് ഇന്ത്യ അറിയിച്ചു.
ഖത്തറില് ഓണ് അറൈവല് വിസ പ്രാബല്യത്തില് വന്നതോടെ, സൗദി, യു.എ.ഇ ഉള്പ്പെടെയുള്ള രാജ്യങ്ങളിലേക്ക് പോകാനുള്ള യാത്രക്കാരുടെ തിരക്ക് കൂടിയ പശ്ചാത്തലത്തിലാണ് സര്വിസ് വര്ധിപ്പിക്കാനുള്ള നീക്കം.
No comments