അടിയടങ്ങാതെ പഞ്ചാബ് കോണ്ഗ്രസ്; അമരീന്ദര് സിങ്ങിനെതിരെ രാജിയാവശ്യപ്പെട്ട് മന്ത്രിമാര് ഉള്പ്പടെ 34 കോണ്ഗ്രസ് എംഎല്എമാർ..
പഞ്ചാബ് മുഖ്യമന്ത്രി അമരീന്ദര് സിങ്ങിനെതിരെ പടനീക്കവുമായി നാലു മന്ത്രിമാരും കോണ്ഗ്രസ് ജനറല് സെക്രട്ടറിയുമടങ്ങുന്ന സംഘം രംഗത്ത്.
ഇവര് ഹൈകമാന്ഡുമായി ചര്ച്ച നടത്താന് നീക്കം തുടങ്ങി. 2017ലെ തെരഞ്ഞെടുപ്പ് വാഗ്ദാനങ്ങള് പാലിച്ചില്ലെന്നും അമരീന്ദറിെന്റ കീഴില് അവ പാലിക്കാന് കഴിയുമെന്ന പ്രതീക്ഷയില്ലെന്നുമാണ് സംഘത്തിെന്റ വിമര്ശനം.
നിരവധി ഭരണകക്ഷി എം.എല്.എമാരും തെരഞ്ഞെടുപ്പ് വാഗ്ദാനലംഘനം ചൂണ്ടിക്കാട്ടി രംഗത്തുണ്ട്. പ്രശ്നങ്ങള് പരിഹരിക്കാന് മുഖ്യമന്ത്രിക്ക് കഴിയില്ലെന്ന് ഉറപ്പുള്ളതിനാലാണ് ഹൈകമാന്ഡിനെ സമീപിക്കാന് തീരുമാനിച്ചതെന്ന് മന്ത്രി ചരണ്ജിത്ത് സിങ് ചന്നി പറഞ്ഞു. നിരവധി എം.എല്.എമാര് ഒത്തുകൂടിയ ശേഷമാണ് ഹൈകമാന്ഡിനെ കാണാന് ധാരണയായത്.
നവജ്യോത് സിങ് സിദ്ദുവിനെ സംസ്ഥാന അധ്യക്ഷനാക്കി പ്രശ്നങ്ങള് പരിഹരിക്കാനുള്ള നീക്കം ഫലിച്ചില്ലെന്ന സൂചനയാണ് പുറത്തുവരുന്നത്. ഇത് പഞ്ചാബ് കോണ്ഗ്രസിനെ കൂടുതല് അപകടസന്ധിയിലാക്കും.
No comments