കോവിഡ് വാക്സിനേഷന് തദ്ദേശ സ്ഥാപന രജിസ്ട്രേഷന് വേണമെന്ന പ്രചാരണം തെറ്റാണെന്ന് ആരോഗ്യ വകുപ്പ് മന്ത്രി വീണാ ജോര്ജ് വ്യക്തമാക്കി.
തിരുവനന്തപുരം: കോവിഡ് വാക്സിനേഷന് തദ്ദേശ സ്ഥാപന രജിസ്ട്രേഷന് വേണമെന്ന പ്രചാരണം തെറ്റാണെന്ന് ആരോഗ്യ വകുപ്പ് മന്ത്രി വീണാ ജോര്ജ് വ്യക്തമാക്കി. സംസ്ഥാനത്ത് നടക്കുന്ന വാക്സിനേഷന് യജ്ഞം സുഗമമാക്കാനാണ് വാക്സിനേഷനായി സംസ്ഥാനതല മാര്ഗനിര്ദേശങ്ങള് ഇറക്കിയത്.
വാക്സിനേഷന്റെ രജിസ്ട്രേഷന് നടത്തുന്നത് കോവിന് പോര്ട്ടലിലാണ്. ഇതില് തദ്ദേശ സ്ഥാപനങ്ങളില് രജിസ്റ്റര് ചെയ്യാനുള്ള ഓപ്ഷനില്ല. ഇക്കാരണത്താല് എവിടെ നിന്നും വാക്സിന് എടുക്കാന് സാധിക്കും. അതിനാല് ആ പ്രദേശത്തെ ജനങ്ങള്ക്ക് വാക്സിനെടുക്കാന് കഴിയുന്നില്ലെന്ന പരാതിയുണ്ടായിരുന്നു. അതത് പ്രദേശത്തെ ജനങ്ങള്ക്ക് കൂടി വാക്സിനേഷന് ഉറപ്പാക്കാനും വയോജനങ്ങള്, ഗുരുതര രോഗമുള്ളവര്, അനുബന്ധ രോഗങ്ങളുള്ളവര് എന്നിവര്ക്കും വാക്സിനേഷന് നല്കാനുമാണ് മാര്ഗനിര്ദേശം പുറത്തിറക്കിയതെന്നും മന്ത്രി വ്യക്തമാക്കി.
No comments