ഇനിയും പലര്ക്കും സ്ഥാനം പോകുമെന്ന സൂചനയുമായി കെ. സുധാകരൻ..!! ഇതാണ് സുധാകരന്റെ പുതിയ കോണ്ഗ്രസ്..! 51 അംഗ കെപിസിസി ഈ മാസം..
ഇനിയും പലര്ക്കും സ്ഥാനം പോകുമെന്ന് സൂചന നല്കി കെ.പി.സി.സി പ്രസിഡന്റ് കെ.സുധാകരന് എം.പി. കണ്ണൂരില് കോണ്ഗ്രസ് നേതൃയോഗം ഉദ്ഘാടനം ചെയ്യവേയാണ് ഇൗ സൂചന നല്കിയത്. കെ.പി.സി.സിയുടെ കര്ക്കശ നിലപാട് താഴെത്തട്ടില് അറിയിക്കുക എന്ന ലക്ഷ്യത്തോടെയാണ് ഡി.സി.സി നേതൃയോഗം സംഘടിപ്പിച്ചത്. കോണ്ഗ്രസ് അടിമുടി മാറുകയാണെന്ന ധാരണ താഴെത്തട്ടിലും എത്തിക്കുകയാണ് കെ.പി.സി.സി നേതൃത്വം. നഷ്ടപ്പെട്ട അച്ചടക്കം തിരിച്ചുപിടിക്കലാണ് ലക്ഷ്യം. ഉദ്ഘാടകനായ കെ. സുധാകരന് പ്രധാനമായും സംസാരിച്ചത് അച്ചടക്കത്തില് ഉൗന്നിയായിരുന്നു. സെമി കേഡറിലേക്ക് പാര്ട്ടി കടന്നാല് പിന്നെ ഗ്രൂപ് ഉണ്ടാകരുതെന്ന കെ.പി.സി.സിയുടെ ആഗ്രഹവും അദ്ദേഹം വ്യക്തമാക്കി. ഇപ്പോള് പാര്ട്ടിയുടെ സ്ഥിതി അതിദയനീയമാണെന്ന് നേതാക്കളെ ഉണര്ത്തിയ അദ്ദേഹം, അച്ചടക്കമില്ലാതെ പാര്ട്ടിക്ക് മുന്നോട്ടുപോകാനാവില്ലെന്നും വ്യക്തമാക്കി.കണ്ണൂര് ഡി.സി.സി ഓഫിസിലായിരുന്നു നേതൃയോഗം നടന്നത്.
ഗാന്ധിയന് രീതിയിലുള്ള പ്രവര്ത്തനമാണ് പാര്ട്ടിയെ ശക്തിപ്പെടുത്താന് ആവശ്യം. സി.പി.എം -ബി.ജെ.പി കൂട്ടുകെട്ടിനെ പ്രതിരോധിക്കാന് കോണ്ഗ്രസ് പാര്ട്ടിയെ ശക്തിപ്പെടുത്തേണ്ടത് കാലഘട്ടത്തിെന്റ ആവശ്യകതയാണെന്ന് കെ. സുധാകരന് പറഞ്ഞു. ഡി.സി.സി പ്രസിഡന്റ് അഡ്വ. മാര്ട്ടിന് ജോര്ജ് അധ്യക്ഷത വഹിച്ചു. കോണ്ഗ്രസ് വര്ക്കിങ് പ്രസിഡന്റുമാരായ കൊടിക്കുന്നില് സുരേഷ് എം.പി, പി.ടി. തോമസ് എം.എല്.എ, ടി. സിദ്ദീഖ് എം.എല്.എ, രാജ്മോഹന് ഉണ്ണിത്താന് എം.പി എന്നിവര് സംസാരിച്ചു. അഡ്വ. സണ്ണിജോസഫ് എം.എല്.എ, മുന് ഡി.സി.സി പ്രസിഡന്റ് സതീശന് പാച്ചേനി, കെ.പി.സി.സി ജനറല് സെക്രട്ടറിമാരായ സോണി സെബാസ്റ്റ്യന്, വി.എ. നാരായണന്, സജ്ജീവ് മാറോളി, മേയര് അഡ്വ. ടി.ഒ. മോഹനന്, സെക്രട്ടറിമാരായ ഡോ. കെ.വി. ഫിലോമിന, ചന്ദ്രന് തില്ലങ്കേരി, യു.ഡി.എഫ് ചെയര്മാന് പി.ടി. മാത്യു, മുന് യു.ഡി.എഫ് ചെയര്മാന് പ്രഫ. എ.ഡി. മുസ്തഫ, എം. നാരായണന് കുട്ടി, കെ.സി. മുഹമ്മദ് ഫൈസല് തുടങ്ങിയവര് സംബന്ധിച്ചു.
No comments