യു.പിയില് എസ്.പിയും ബി.എസ്.പിയുമായും സഖ്യമില്ലെന്ന് കോണ്ഗ്രസ്..!! പ്രിയങ്കയെ മുന്നിര്ത്തി തെരഞ്ഞെടുപ്പ് നേരിടും..!! പുതിയ അടവ് നയം..
ഉത്തര്പ്രദേശില് നിയമസഭ തെരഞ്ഞെടുപ്പില് സമാജ്വാദി പാര്ട്ടിയായും ബഹുജന് സമാജ്വാദിയായുമുള്ള സഖ്യസാധ്യത തള്ളി കോണ്ഗ്രസ്.
യു.പിയില് ചെറുപാര്ട്ടികളുമായി കൈകോര്ക്കുമെന്നും വലിയ പാര്ട്ടികളുമായി ഒരുമിച്ച് പ്രവര്ത്തിക്കുന്ന കാര്യം ചിന്തിച്ചിട്ടുപോലുമില്ലെന്നും കോണ്ഗ്രസ് നേതാവ് അജയ് കുമാര് ലല്ലു പറഞ്ഞു.
ഉത്തര്പ്രദേശില് 32വര്ഷം ബി.ജെ.പിയും എസ്.പിയും ബി.എസ്.പിയും മാറി ഭരിച്ചു. കോണ്ഗ്രസ് ഇതുവരെ അധികാരത്തിലെത്തിയിട്ടില്ല. ജനങ്ങളുടെ പ്രതീക്ഷകള് നിറവേറ്റുന്നതില് ഇവര് പരാജയപ്പെട്ടു. സംസ്ഥാനത്ത് കോണ്ഗ്രസ് തിരിച്ചുവരവിന് ഒരുക്കമാണെന്നും അദ്ദേഹം പറഞ്ഞു.
ഉത്തര്പ്രദേശിനെ വിലയിരുത്തുന്ന എല്ലാവരുടെയും അഭിപ്രായം അടുത്ത തെരഞ്ഞെടുപ്പില് ബി.ജെപിയുടെ മുഖ്യഎതിരാളിയായി കോണ്ഗ്രസ് വരുമെന്നതാണ്. അതില് പാര്ട്ടി ആത്മവിശ്വാസവും പ്രകടിപ്പിക്കുന്നു. കോണ്ഗ്രസ് നേതാവ് പ്രിയങ്ക ഗാന്ധിയുടെ നേതൃത്വത്തില് വിജയം നേടുകയും അടുത്ത സര്ക്കാര് രൂപവത്കരിക്കുകയും ചെയ്യും -അദ്ദേഹം കൂട്ടിച്ചേര്ത്തു.
2022ലെ നിയമസഭ തെരഞ്ഞെടുപ്പില് എസ്.പിയും ബി.ജെ.പിയും തമ്മിലാകും മത്സരമെന്ന അഭിപ്രായങ്ങള് മാധ്യമ സൃഷ്ടികളാണെന്നും അദ്ദേഹം പറഞ്ഞു.
അതേസമയം, എസ്.പിയും ബി.എസ്.പിയും കോണ്ഗ്രസുമായുള്ള സഖ്യസാധ്യത തള്ളികളഞ്ഞിരുന്നു. ചെറുപാര്ട്ടികളുമായി ചേര്ന്ന് മത്സരിക്കുമെന്ന് എസ്.പിയുടെ അഖിലേഷ് യാദവ് നേരത്തേ വ്യക്തമാക്കിയിരുന്നു. എന്നാല്, ഒറ്റക്ക് ബി.ജെ.പിയെ നേരിടുമെന്നായിരുന്നു ബി.എസ്.പിയിലെ മായാവതിയുടെ പ്രതികരണം.
No comments