സിദ്ദുവിനെ പേടിച്ച് ഓടില്ല..!! നിയമസഭയിലേക്ക് പട്യാലയില്നിന്ന് മത്സരിക്കുമെന്ന് അമരീന്ദര് സിങ്..!! 400 വർഷമായി..
വരാനിരിക്കുന്ന സംസ്ഥാന നിയമസഭാ തെരഞ്ഞെടുപ്പില് പട്യാല മണ്ഡലത്തില് നിന്ന് മത്സരിക്കുമെന്ന് പഞ്ചാബ് മുന് മുഖ്യമന്ത്രി അമരീന്ദര് സിങ് പ്രഖ്യാപിച്ചു.
'ഞാന് പട്യാലയില് നിന്ന് മത്സരിക്കും. പട്യാല 400 വര്ഷമായി ഞങ്ങളോടൊപ്പമുണ്ട്. സിദ്ദു കാരണം ഞാന് അത് ഉപേക്ഷിക്കാന് പോകുന്നില്ല' -ക്യാപ്റ്റന് സിങ് ഫേസ്ബുക്ക് പേജില് കുറിച്ചു.
സിങ്ങിന്റെ കുടുംബത്തിന്റെ ശക്തികേന്ദ്രമാണ് പട്യാല. നാല് തവണ അമരീന്ദറും ഒരു തവണ അദ്ദേഹത്തിന്റെ ഭാര്യ പ്രണീത് കൗറും ഈ സീറ്റില്നിന്ന് വിജയിച്ചു. ഇദ്ദേഹത്തിന്റെ പിതാവ് മഹാരാജ സര് യാദവീന്ദര് സിങ് പട്യാല നാട്ടുരാജ്യത്തിലെ അവസാനത്തെ മഹാരാജാവായിരുന്നു.
നവംബര് ആദ്യം പഞ്ചാബ് ലോക് കോണ്ഗ്രസ് എന്ന പേരില് സ്വന്തം രാഷ്ട്രീയ പാര്ട്ടി പ്രഖ്യാപിക്കുകയും സംസ്ഥാനത്തെ 117 നിയമസഭാ സീറ്റുകളിലും തങ്ങള് മത്സരിക്കുമെന്നും അമരീന്ദര് അറിയിച്ചിരുന്നു.
കോണ്ഗ്രസ് അധ്യക്ഷന് സിദ്ദു എവിടെ മത്സരിച്ചാലും നേരിടുമെന്ന് അമരീന്ദര് സിങ് വ്യക്തമാക്കിയിരുന്നു. മുന് ക്രിക്കറ്റ് താരമായ നവജ്യോത് സിദ്ദുവുമായുള്ള തര്ക്കത്തിനൊടുവിലാണ് ക്യാപ്റ്റന് അമരീന്ദര് സിങ്ങിന് മുഖ്യമന്ത്രി പദം ഒഴിയേണ്ടിവന്നത്.
No comments