'പി സി ചാക്കോയ്ക്ക് ഏകാധിപത്യ ശൈലി'..!! ആരോപണം കടുത്തതോടെ ഇടപെട്ട് എൻസിപി ദേശീയ നേതൃത്വം..
എന്‍ സി പി സംസ്ഥാന പ്രസിഡന്‍റ് പി സി ചാക്കോയുടെ ഏകാധിപത്യ ശൈലിക്കെതിരെ വിമര്‍ശനങ്ങള്‍ ശക്തമായതോടെ വിഷയത്തില്‍ ദേശീയ നേതൃത്വം ഇടപെടുന്നു.
ഇതോടൊപ്പം ബോര്‍ഡ് ,കോര്‍പറേഷന്‍ സ്ഥാനങ്ങളിലേക്ക് പി സി ചാക്കോ നിയമനം നടത്തുന്നുവെന്ന ആരോപണങ്ങളും ഉയര്‍ന്നിട്ടുണ്ട്. മുതിര്‍ന്ന നേതാക്കളെ അവഗണിക്കുന്നതായും ആരോപണമുണ്ട്. ഒഴിവാക്കപ്പെട്ട എന്‍ എ മുഹമ്മദ് കുട്ടി,ജോസ് മോന്‍ , വര്‍ക്കല രവികുമാര്‍ എന്നിവര്‍ പരാതിയുമായി ദേശീയ നേതൃത്വത്തെ സമീപിച്ചു. പരാതി ഗൗരവമെന്ന് കണ്ടതോടെ ദില്ലിയില്‍ ചര്‍ച്ചക്ക് വരാന്‍ നേതാക്കളോട് നിര്‍ദേശിച്ചത്.എന്നാല്‍ പവാറിന് കൊവിഡ്ബാധിച്ചതോടെ യോഗം പിന്നീട് ചേരുമെന്ന് അറിയിച്ചിരിക്കുകയാണ്
തന്നെ പിന്തുണക്കുന്നവരെ മാത്രം സുപ്രധാന പദവികളിലിരുത്തി പാര്‍ട്ടിയെ ഹൈജാക്ക് ചെയ്യുന്നു. പാര്‍ട്ടിയിലേക്ക് പുതിയതായി കടന്നുവരുന്നവര്‍ക്ക് സ്ഥാനമാനങ്ങള്‍ നല്‍കുന്നു. ഇതിനായി ലക്ഷങ്ങള്‍ കോഴ വാങ്ങുന്നു. ഏറ്റവും ഒടുവില്‍ ഉന്നതാധികാര സമിതിയായ കോര്‍ കമ്മിറ്റിയില്‍നിന്ന് മൂന്ന് മുതിര്‍ന്ന നേതാക്കളെ ഒഴിവാക്കുകയും ചെയ്തതോടെയാണ് പാര്‍ട്ടിയിലെ ഭിന്നത രൂക്ഷമായത്.
No comments