വ്യോമാക്രമണം: താല്കാലികമായി അടച്ച വിമാനത്താവളങ്ങള് തുറക്കാന് ഉത്തരവ്
ന്യൂഡല്ഹി: പാകിസ്താന് പോര്വിമാനങ്ങളായ െജറ്റ് എഫ്-16 ഇന്ത്യന് അതിര്ത്തി ലംഘിച്ചതിനെ തുടര്ന്ന് താല്കാലികമായി അടച്ച വിമാനത്താവളങ്ങള് തുറക്കാന് ഉത്തരവ്. ജമ്മു കശ്മീരിലും പഞ്ചാബിലും ഹിമാചല് പ്രദേശിലുമായി ഒമ്ബത് വിമാനത്താവളങ്ങളാണ് താല്ക്കാലികമായി അടച്ചത്.
വ്യോമാക്രമണത്തെ തുടര്ന്ന് ശ്രീനഗര്, ജമ്മു, ലേ, കാന്ഗ്ര, പത്താന്കോട്ട്, ഷിംല, കുളു-മണാലി, പിതോറഗഡ്, അമൃതസര് വിമാനത്താവളങ്ങളിലെ സര്വീസ് പൂര്ണമായും നിര്ത്തിവെക്കുകയായിരുന്നു. മൂന്നു മാസത്തേക്കാണ് വിമാനത്താവളങ്ങള് അടക്കാന് ഉത്തരവിട്ടത്. ശ്രീനഗറിലേക്കുള്ള മുഴുവന് യാത്രാവിമാനങ്ങളുടെ സര്വീസുകളും റദ്ദാക്കിയിരുന്നു.
ഇന്ത്യ-പാക് വ്യോമമേഖലയിലൂടെയുള്ള രാജ്യാന്തര വിമാന സര്വീസുകള് വഴിതിരിച്ച് വിടാന് നിര്ദേശം നല്കിയിട്ടുണ്ട്. പാകിസ്താന് ഇന്ത്യയിലേക്കുള്ള വിമാന സര്വീസുകളും ആഭ്യന്തര സര്വീസുകളും റദ്ദാക്കിയിട്ടുണ്ട്.
No comments