വടകരയില് ഒടുവില് തുറുപ്പുഗുലാന് - കെ മുരളീധരന് സ്ഥാനാര്ഥി. ആകെ ആവേശമായി കോണ്ഗ്രസ് ക്യാമ്ബുകള്
എ ഐ സി സി ഔദ്യോഗികമായി പുറത്തുവിടാനുള്ള വടകരയുള്പ്പെടെ അവശേഷിക്കുന്ന നാല് മണ്ഡലങ്ങളിലെ പട്ടിക ഉടന് എ ഐ സി സി പുറത്തുവിടും.
നിലവില് സിറ്റിംഗ് എം പിയായ കെ പി സി സി അധ്യക്ഷന് മുല്ലപ്പള്ളി രാമചന്ദ്രന് കെ മുരളീധരനുമായി രാവിലെ സ്ഥാനാര്ഥി ആകുന്നത് സംബന്ധിച്ച് ചര്ച്ച നടത്തിയിരുന്നു.
കേരളത്തിലെ കോണ്ഗ്രസ്, ബി ജെ പി കക്ഷികള് ഏറ്റവുമധികം എതിര്ക്കുന്ന സി പി എം നേതാവ് പി ജയരാജന് മത്സരിക്കുന്ന മണ്ഡലത്തില് ശക്തനായ എതിരാളിയെ തന്നെ നിര്ത്തണമെന്ന ആവശ്യം കോണ്ഗ്രസില് വ്യാപകമായി ഉയര്ന്നു വന്നിരുന്നു.
ഈ സാഹചര്യത്തില് രാഹുല് ഗാന്ധി കൂടി താല്പര്യമെടുത്താണ് വടകരയില് ശക്തനായ സ്ഥാനാര്ഥി എന്ന നിലയില് കെ മുരളീധരനെ നിര്ദ്ദേശിച്ചത്.
രണ്ടു തവണ എം പി ആയിരുന്ന മുരളീധരന് നിലവില് വട്ടിയൂര്ക്കാവ് എം എല് എ ആണ്. കെ മുരളീധരനെ സംബന്ധിച്ച് ഇത് സ്വന്തം നാട്ടിലേക്കുള്ള തിരിച്ചുവരവാണ്. കോഴിക്കോട് ബിലാത്തിക്കുളം റോഡിലാണ് കെ മുരളീധരന്റെ താമസം.
ഇതോടെ വീണ്ടും സ്വന്തം നാട്ടില് തന്നെ മത്സരിക്കാനുള്ള സാഹചര്യമാണ് മുരളീധരനെ തേടിയെത്തിയിരിക്കുന്നത്. ദേശീയ രാഷ്ട്രീയത്തിലേക്കുള്ള തിരിച്ചുവരവ് കൂടിയാണ് മുരളീധരനെ സംബന്ധിച്ച് പുതിയ ദൗത്യം.
No comments