ലോകത്തിലെ ഏറ്റവും വലിയ പ്രതിമ എന്ന് ഗൂഗിളില്‍ തെരയുമ്ബോള്‍ അഭിമാനം തോന്നുന്നില്ലേ?​,​ ജനങ്ങളോട് പ്രധാനമന്ത്രി.. ട്രോളുമായി സോഷ്യൽ മീഡിയ..

എന്‍.ഡി.എ സര്‍ക്കാരിന്റെ അഭിമാന പദ്ധതിയായ സര്‍ദാര്‍ വല്ലഭായി പട്ടേല്‍ പ്രതിമയെ ഉയര്‍ത്തിക്കാട്ടി പ്രധാനമന്ത്രി നരേന്ദ്രമോദി.

പ്രതിമ സ്ഥാപിച്ചത് മുന്‍ പ്രധാനമന്ത്രി നെഹ്റുവിനെ താഴ്ത്തിക്കെട്ടാനല്ലെന്നും മോദി പറഞ്ഞു.

ലോകത്തിലെ ഏറ്റവും വലിയ പ്രതിമ എന്ന്‌ ഗൂഗിളിള്‍ സെര്‍ച്ച്‌ ചെയ്യുമ്ബോള്‍ ഗുജറാത്തിന്റെ പേര്‌ കാണാനാവുന്നതില്‍ അഭിമാനം തോന്നുന്നില്ലേ എന്നും മോദി ജനങ്ങളോട്‌ ചോദിച്ചു.

പ്രതിപക്ഷ നേതാക്കളാരും ഇതുവരെ പ്രതിമ കാണാന്‍ എത്തിയിട്ടില്ല. പട്ടേല്‍ പ്രതിമ വലുപ്പം കൂടിയത് കൊണ്ട് മറ്റുള്ളവര്‍ ചെറുതാണെന്ന് കരുതേണ്ടെന്നും അദ്ദേഹം വ്യക്തമാക്കി.

ഗുജറാത്തിലെ അമ്രേലിയില്‍ വച്ച്‌ നടന്ന തിരഞ്ഞെടുപ്പ് റാലിയിലാണ് പ്രധാനമന്ത്രി ഇക്കാര്യം വ്യക്തമാക്കിയത്

കാശ്മീര്‍ പ്രശ്നം പരിഹരിക്കാന്‍ പറ്റാത്തിന്റെ കാരണം കോണ്‍ഗ്രസാണ്. ജമ്മു കാശ്മീരില്‍ മൂന്ന് ജില്ലകളില്‍ മാത്രമായി തീവ്രവാദം ഒതുക്കുന്നതില്‍ കേന്ദ്രസര്‍ക്കാര്‍ വിജയിച്ചെന്നും മോദി കൂട്ടിച്ചേര്‍ത്തു.

മുമ്ബ് പൂനെയിലും അഹമ്മദാബാദിലും ഹൈദരാബാദിലും ജമ്മു കശ്‌മീരിലുമെല്ലാം ബോംബ്‌ സ്‌ഫോടനങ്ങള്‍ പതിവായിരുന്നു.

പ്രധാന മന്ത്രിയുടെ പരാമർശത്തിനെ ട്രോളി സോഷ്യൽ മീഡിയ രംഗത്ത് വന്നു. കോടിക്കണക്കിന് ആളുകൾ പട്ടിണി കിടക്കുമ്പോൾ മോഡി പ്രതിമ ഉണ്ടാക്കി കളിക്കുക ആണെന്ന് കുറ്റപ്പെടുത്തുന്നു.