ഛത്തിസ്​ഗഢ്​ നഗരസഭ തെരഞ്ഞെടുപ്പില്‍ കോണ്‍ഗ്രസ്​ മുന്നേറ്റം

ഛത്തിസ്​ഗഢ്​ നഗരസഭ തെരഞ്ഞെടുപ്പില്‍ കോണ്‍ഗ്രസിന്​ മുന്നേറ്റം. 151 നഗരസഭ സ്​ഥാപനങ്ങളിലേക്ക്​ നടന്ന തെരഞ്ഞെടുപ്പില്‍ ഫലം അറിവായ 2032 വാര്‍ഡുകളില്‍ 923 എണ്ണത്തില്‍ കോണ്‍ഗ്രസ്​ ജയിച്ചു. ബി.ജെ.പി 814 വാര്‍ഡുകള്‍ നേടി രണ്ടാമതാണ്​. അജിത്​​ ജോഗിയുടെ ജനത കോണ്‍ഗ്രസ്​ 17 എണ്ണം നേടിയപ്പോള്‍ സ്വതന്ത്രര്‍ 278 വാര്‍ഡുകളില്‍ ജയം കണ്ടു.

10 മുനിസിപ്പല്‍ കോര്‍പ​േറഷനുകള്‍, 38 മുനിസിപ്പല്‍ കൗണ്‍സിലുകള്‍, 103 നഗര പഞ്ചായത്തുകള്‍ എന്നിവിടങ്ങളിലേക്കാണ്​ തെരഞ്ഞെടുപ്പ്​ നടന്നത്​​. ആകെ 2831 വാര്‍ഡുകളാണുള്ളത്​.