പൗരത്വ ഭേദഗതി നിയമത്തിനെതിരെ രാജസ്ഥാന് നിയമസഭയും പ്രമേയം പാസാക്കി
കേരളത്തിനും പഞ്ചാബിനും പിന്നാലെ പൗരത്വ ഭേദഗതി നിയമത്തിനെതിരെ രാജസ്ഥാന് നിയമസഭയും പ്രമേയം പാസാക്കി. ദേശീയ പൗരത്വ രജിസ്റ്റര് തയാറാക്കുന്നതില് പുതിയ വിവരങ്ങള് ആരാഞ്ഞുള്ള ചോദ്യങ്ങള് ഒഴിവാക്കണമെന്ന് കേന്ദ്രത്തിനോട് കോണ്ഗ്രസ് ഭരിക്കുന്ന രാജസ്ഥാന് നിയമസഭ പ്രമേയത്തിലൂടെ ആവശ്യപ്പെട്ടു. ശബ്ദവോട്ടോടെയാണ് പ്രമേയം പാസാക്കിയത്.
'പൗരത്വ ഭേദഗതി നിയമം ഭരണഘടനയുടെ വ്യവസ്ഥകള് തകര്ക്കുകയാണ്. അതിനാല് ഈ നിയമം പിന്വലിക്കണമെന്ന് ആവശ്യപ്പെടുന്നു. എല്ലാ മതവിഭാഗങ്ങളില്പ്പെട്ടവരും നിയമങ്ങള്ക്ക് മുന്നില് തുല്യരാണെന്നും പ്രമേയം അവതരിപ്പിച്ച് കൊണ്ട് പാര്ലമെന്ററികാര്യ മന്ത്രി ശാന്തി ധരിവാള് പറഞ്ഞു.
No comments