പ്രധാനമന്ത്രിക്ക്​ സുരക്ഷയൊരുക്കാന്‍ പ്രതിദിനം ഒന്നര കോടി!

പ്രധാനമന്ത്രി നരേന്ദ്രമോദിക്ക്​ ​പ്രതിദിനം സുരക്ഷയൊരുക്കാന്‍  ​1.62 കോടി രൂപ. മോദിക്ക്​ എസ്​.പി.ജി സുരക്ഷയൊരുക്കാനാണ്​ ഈ ഭീമമായ തുക​. ഇക്കഴിഞ്ഞ കേന്ദ്ര ബജറ്റില്‍ പ്രത്യേക സുരക്ഷാ വിഭാഗത്തിന്​​ (എസ്​.പി.ജി) വകയിരുത്തിയ ഫണ്ട്​ അനുസരിച്ചുള്ള കണക്കാണിത്​. 3000ത്തോളം അംഗങ്ങളുള്ള അതിശക്തമായ സേനയാണ്​ എസ്​.പി.ജി​. നിലവില്‍ പ്രധാനമന്ത്രിക്ക്​ മാത്രമാണ്​ എസ്​.പി.ജി സുരക്ഷ. 2020-21വര്‍ഷത്തേക്ക്​ 592.55കോടി രൂപയാണ്​ എസ്​.പി.ജിക്ക്​ അനുവദിച്ചത്​​. അതായത്​ പ്രതിദിനം 1.62 കോടി രൂപ!!!​.

നേരത്തേ പ്രധാനമന്ത്രി നരേന്ദ്രമോദി, കോണ്‍ഗ്രസ്​ ഇടക്കാല അധ്യക്ഷ സോണിയ ഗാന്ധി, മക്കളായ രാഹുല്‍ഗാന്ധി, പ്രിയങ്ക ഗാന്ധി വാദ്ര എന്നിങ്ങനെ നാല്​ പേര്‍ക്ക്​ എസ്​.പി.ജി സുരക്ഷ ഉണ്ടായിരുന്നുപ്പോള്‍ 2019-2020ല്‍ 540.16 കോടിയായിരുന്നു എസ്​.പി.ജിക്ക്​ അനുവദിച്ചത്​. ഓരോരുത്തര്‍ക്ക്​ വര്‍ഷത്തില്‍ 135 കോടി രൂപ.

അതില്‍ നിന്ന്​ 340 ശതമാനമാണ്​ സുരക്ഷാ ചെലവില്‍ വരുത്തിയ വര്‍ധന