എയര് കണ്ടീഷനുകള് ഉപയോഗിക്കരുതെന്ന് താക്കറെ; മഹാരാഷ്ട്രയില് 116 രോഗബാധിതര്
മഹാരാഷ്ട്രയില് കോവിഡ്19 ബാധിതരുടെ എണ്ണം കുത്തനെ ഉയരുന്ന സാഹചര്യത്തില് കര്ശന നിര്ദേശങ്ങളുമായി മുഖ്യമന്ത്രി ഉദ്ദവ് താക്കറെ. അത്യാവശ്യ സാഹചര്യങ്ങളിലല്ലാതെ എയര്കണ്ടീഷനുകള് പ്രവര്ത്തിപ്പിക്കരുതെന്ന് മുഖ്യമന്ത്രി അറിയിച്ചു. വീടിനകത്ത് ധാരാളം ശുദ്ധവായു ഉറപ്പാക്കണം. അത്യാവശ്യഘട്ടങ്ങളില് മാത്രമേ അകത്തളങ്ങള് ശീതീകരിക്കാവൂയെന്നും ഉദ്ദവ് താക്കറെ അറിയിച്ചു. ഫേസ്ബുക്ക് ലൈവിലൂടെയാണ് മുഖ്യമന്ത്രി ജനങ്ങളുമായി സംവദിച്ചത്.
അപകടകാരിയായ വൈറസിനെ ഇല്ലാതാക്കുക എന്ന ദൗത്യമാണ് നടക്കുന്നത്. അതിനാല് എല്ലാവരും വീട്ടിലിരിക്കണം. ആരോഗ്യ സേവനങ്ങള്, ഭക്ഷ്യവസ്തുക്കള്, ഇന്ധനം, പാചകവാതകം പോലുള്ള അവശ്യ വസ്തുക്കളുടെ ലഭ്യത ഉറപ്പാക്കുമെന്നും താക്കറെ പറഞ്ഞു.
No comments