ഇറ്റലിയില് കോവിഡ്-19 ബാധിച്ച് മരിച്ചവരുടെ എണ്ണം 4,825 ആയി
ഇറ്റലിയില് കോവിഡ്-19 ബാധിച്ച് മരിച്ചവരുടെ എണ്ണം 4,825 ആയി. രാജ്യത്ത് കഴിഞ്ഞ 24 മണിക്കൂറിനിടെ 793 പേരാണ് മരിച്ചത്. കോവിഡ്-19 ബാധിച്ചശേഷം ഒരു ദിവസമുണ്ടാകുന്ന ഏറ്റവും ഉയര്ന്ന മരണനിരക്കാണിത്.രാജ്യത്ത് രോഗം ബാധിച്ചവരുടെ എണ്ണം 50,000 കടന്നു.
സ്പെയിന്, അമേരിക്ക, ജര്മനി തുടങ്ങിയ രാജ്യങ്ങളിലും രോഗികളുടെ എണ്ണത്തില് കുത്തനെ വര്ധനവുണ്ടാകുന്നുണ്ട്. എന്നാല് ജര്മനിയില് മരണനിരക്ക് പിടിച്ചുനിര്ത്താന് ഭരണകൂടത്തിനു സാധിച്ചു. 21,854 പേര്ക്ക് രോഗം സ്ഥിരീകരിച്ചെങ്കിലും 77 പേര് മാത്രമാണ് ജര്മനിയില് മരിച്ചിരിക്കുന്നത്.ഇറ്റലിയിലെ മരണനിരക്ക് കൂടി പുറത്തുവന്നതോടെ ലോകത്ത് കോവിഡ് ബാധിച്ച് ആകെ മരിച്ചവരുടെ എണ്ണം 12,000 കവിഞ്ഞു.

No comments