മധ്യപ്രദേശില് ബിജെപിയുടെ നെഞ്ചിടിപ്പേറ്റി കമല്നാഥ്..!! വിമത എംഎല്എമാരുമായി രഹസ്യ ചര്ച്ച നടത്തി.!! ബിജെപി എംഎൽഎമാർ..
ഇതോടെ വിമത കോണ്ഗ്രസ് എംഎല്എമാരുടെ പിന്തുണയോടെ മധ്യപ്രദേശില് ബിജെപിക്ക് വീണ്ടും അധികാരം പിടിക്കാനുളള വഴി തുറക്കും.
16 വിമത കോണ്ഗ്രസ് എംഎല്എമാര് ബെംഗളൂരുവില് തന്നെ തുടരുകയാണ്. കോണ്ഗ്രസ് നേതാക്കളായ ദിഗ്വിജയ് സിംഗും ഡികെ ശിവകുമാറും അടക്കമുളളവര് എംഎല്എമാരെ ബന്ധപ്പെടാന് നടത്തിയ ശ്രമങ്ങളൊന്നും ഫലം കണ്ടില്ല.
ഈ സാഹചര്യത്തില് ഭൂരിപക്ഷത്തിന് വേണ്ട പിന്തുണ ഉറപ്പാക്കാന് കമല്നാഥിന് സാധിച്ചേക്കില്ല എന്നാണ് വിലയിരുത്തപ്പെടുന്നത്. അതിനിടെ എന്ഡിടിവിക്ക് കമല്നാഥ് നല്കിയ അഭിമുഖം ബിജെപിയുടെ നെഞ്ചിടിപ്പേറ്റുകയാണ്.
''എംഎല്എമാരെ ബ്രെയിന്വാഷ് ചെയ്തിരിക്കുകയാണ് എങ്കില് അവര് തന്നെ വിളിച്ച് സംസാരിക്കുമായിരുന്നില്ല. ശിവരാജ് സിംഗ് ചൗഹാന്റെ ഗൂഗ്ലി കൊണ്ട് താന് ഔട്ടാകില്ല. അദ്ദേഹത്തിന്റെ ഗൂഗ്ലി വൈഡായി മാറും''.
''എംഎല്എമാരില് ചിലരുമായി താന് രഹസ്യമായി ചര്ച്ച നടത്തുന്നുണ്ട്. തന്റെ എംഎല്എമാരില് തനിക്ക് വിശ്വാസമുണ്ട്. അവരുമായി താന് ബന്ധപ്പെട്ട് കൊണ്ടിരിക്കുകയാണ്'', കമല്നാഥ് പറഞ്ഞു.
മുഖ്യമന്ത്രി പദവിയും സംസ്ഥാന അധ്യക്ഷ പദവിയും നിരസിക്കപ്പെട്ടതോടെയാണ് ജ്യോതിരാദിത്യ സിന്ധ്യ കോണ്ഗ്രസ് വിട്ടത്.
ബിജെപി പ്രത്യേക വിമാനത്തില് തന്റെ എംഎല്എമാരെ ബെംഗളൂരുവിലേക്ക് കടത്തുകയായിരുന്നുവെന്ന് കമല്നാഥ് ആരോപിച്ചു.
എംഎല്എമാര് ബിജെപിക്കൊപ്പം ആണെങ്കില് എന്തുകൊണ്ട് സിന്ധ്യക്കൊപ്പം ബിജെപിയില് ചേര്ന്നില്ല എന്നും കമല്നാഥ് ചോദിച്ചു. അവര് ഭോപ്പാലിലേക്ക് തിരികെ വരും. അവരുടെ ജീവന് യാതൊരു ഭീഷണിയും ഇല്ല.
No comments