മധ്യപ്രദേശില് അവസാന ലാപ്പില് വൻ ട്വിസ്റ്റുമായി കോണ്ഗ്രസ്..!! വിമതര് നേതാക്കളെ വിളിച്ചു..!! ഇനി ഭയമില്ലെന്ന് കോൺഗ്രസ്..
ബെംഗളൂരുവില് കഴിയുന്ന വിമത കോണ്ഗ്രസ് എംഎല്എമാര് വൈകീട്ടോടെ എത്തുമെന്നാണ് വിവരം. ജയ്പൂരില് നിന്ന് ഭോപ്പാലിലെത്തിയ കോണ്ഗ്രസ് എംഎല്എമാര് തികഞ്ഞ ആത്മവിശ്വാസത്തിലാണ്.
ബിജെപിയുടെ ചാക്കിടല് രാഷ്ട്രീയം ഭയന്നാണ് കോണ്ഗ്രസ് എംഎല്എമാരെ രാജസ്ഥാനിലെ ജയ്പൂരിലേക്ക് മാറ്റിയത്. 22 കോണ്ഗ്രസ് അംഗങ്ങള് രാജി പ്രഖ്യാപിച്ചതിന് പിന്നാലെയായിരുന്നു ഈ നീക്കം.
കോണ്ഗ്രസ് എംഎല്എമാര്ക്ക് പുറമെ സ്വതന്ത്രരും ജയ്പൂരിലേക്ക് മാറിയിരുന്നു. ഇവരും തിരിച്ചെത്തിയിട്ടുണ്ട്. അതേസമയം, എസ്പിയുടെയും ബിഎസ്പിയുടെയും എംഎല്എമാര് ജയ്പൂരിലേക്ക് പോയിരുന്നില്ല. ഇവര് കമല്നാഥ് സര്ക്കാരിനെ പിന്തുണച്ചിരുന്നവരാണ്. ഇവരുടെ നിലപാടില് കോണ്ഗ്രസിന് ആശങ്കയുണ്ട്.
കോണ്ഗ്രസ് സര്ക്കാര് വിശ്വാസ വോട്ടെടുപ്പില് വിജയിക്കുമെന്നാണ് ജയ്പൂരില് നിന്നെത്തിയ കോണ്ഗ്രസ് എംഎല്എമാര് പറയുന്നത്.
ഹരീഷ് റാവത്തിനൊപ്പമാണ് കോണ്ഗ്രസ് എംഎല്എമാര് ജയ്പൂരില് നിന്ന് ഭോപ്പാലിലെത്തിയത്. ഞങ്ങള് വിശ്വാസ വോട്ടെടുപ്പിന് തയ്യാറാണ്. ആത്മവിശ്വാസമുണ്ട്. ബിജെപിക്കാണ് ഭയം. തങ്ങള്ക്കതില്ല. വിമതപക്ഷം ചേര്ന്ന കോണ്ഗ്രസ് അംഗങ്ങള് തങ്ങളുമായി ബന്ധപ്പെട്ടുവെന്നും ഹരീഷ് റാവത്ത് പറഞ്ഞു.
ശനിയാഴ്ച വൈകീട്ട് ബിജെപി നേതാക്കള് ഗവര്ണര് ലാല്ജി ടാണ്ടനെ കണ്ട് വിശ്വാസ വോട്ട് നടത്തണമെന്ന് ആവശ്യപ്പെട്ടിരുന്നു.
ബെംഗളൂരുവില് തടഞ്ഞുവച്ചിരിക്കുന്ന എംഎല്എമാരെ താങ്ങളുടെ അധികാരം ഉപയോഗിച്ച് ഭോപ്പാലിലെത്തിക്കണം. നിയമസഭാ സമ്മേളനത്തില് പങ്കെടുക്കാന് അവര്ക്ക് അവസരം ഒരുക്കണം.
മാര്ച്ച് മൂന്നിലാണ് മധ്യപ്രദേശിലെ രാഷ്ട്രീയ നാടകത്തിന്റെ തുടക്കം. ബിഎസ്പി എംഎല്എയെയും കുടുംബത്തെയും ഹരിയാനയില് ബിജെപി തടവിലാക്കിയിരിക്കുകയാണെന്ന് കമല്നാഥ് ആരോപിച്ചു.
മാര്ച്ച് ഒമ്പതിനാണ് 19 കോണ്ഗ്രസ് എംഎല്എമാരെ ബിജെപി പ്രത്യേക വിമാനത്തില് ബെംഗളൂരുവിലേക്ക് കൊണ്ടുപോയി എന്ന് കമല്നാഥ് പറഞ്ഞത്. മൊബൈല് ഫോണ് അവര്ക്ക് നല്കുന്നില്ല. അവരുമായി ബന്ധപ്പെടാന് സാധിക്കുന്നില്ല എന്നും കമല്നാഥ് ആരോപിച്ചു.
ജ്യോതിരാദിത്യ സിന്ധ്യയുമായി അടുപ്പമുള്ള 22 എംഎല്മാരാണ് ബെംഗളൂരുവില് കഴിയുന്നത്. എല്ലാവരും രാജി പ്രഖ്യാപിച്ചിട്ടുണ്ട്. ഇതില് ആറ് മന്ത്രിമാരുടെ രാജി സ്പീക്കര് സ്വീകരിച്ചു ബാക്കിയുള്ളവരോട് നേരിട്ട ഹാജരാകാന് സ്പീക്കര് ആവശ്യപ്പെട്ടു. ഞായറാഴ്ച രാത്രി ഇവര് ഭോപ്പാലിലെത്തി സ്പീക്കറെ കാണുമെന്നാണ് വിവരം.
അതേസമയം, കൊറോണ ഭീതി നിലനില്ക്കുന്നതിനില് നിയമസഭാ സമ്മേളനം നീട്ടിവയ്ക്കണമെന്നു കോണ്ഗ്രസ് ആവശ്യപ്പെടുന്നുണ്ട്. അങ്ങനെ സംഭവിച്ചാല് കോണ്ഗ്രസിന് കൂടുതല് ആശ്വാസകരമാകും.
230 അംഗ നിയമസഭയാണ് മധ്യപ്രദേശിലേത്. രണ്ട് സീറ്റുകള് ഒഴിഞ്ഞുകിടക്കുന്നു. 115 അംഗങ്ങളുടെ ഭൂരിപക്ഷമുണ്ടെങ്കില് ഭരിക്കാമെന്നതാണ് അവസ്ഥ.
No comments