രാജ്യത്ത് ലോക്ക് ഡൗണ് ബിജെപി മനപ്പൂര്വ്വം വൈകിപ്പിച്ചു..!! ലക്ഷ്യം മറ്റൊന്ന്..!! ഗുരുതര ആരോപണവുമായി കമല്നാഥ്..
കേന്ദ്രസർക്കാർ ലോക്ക് ഡൗൺ മനപ്പൂർവ്വം വൈകിപ്പിക്കുകയായിരുന്നുവെന്ന് കമൽനാഥ് ആരോപിച്ചു. അതിന് പിന്നിൽ മറ്റൊരു ഉദ്ദേശം കൂടി ബിജെപിയ്ക്ക് ഉണ്ടായിരുന്നുവെന്നും കമൽനാഥ് പറഞ്ഞു.
രാജ്യത്ത് കൊവിഡ് കേസുകൾ ഉയരുന്ന ഘട്ടത്തിൽ തന്നെ ലോക്ക് ഡൗൺ നടപ്പാക്കണമെന്ന് താൻ അഭ്യർത്ഥിച്ചിരുന്നു.
ഫിബ്രവരി 23 ന് തന്നെ കൊവിഡ് മഹാമാരി രാജ്യത്തിന്റെ പ്രാണനെടുക്കുമെന്ന മുന്നറിയിപ്പ് രാഹുൽ ഗാന്ധി നൽകിയിരുന്നു. എന്നാൽ കേന്ദ്രസർക്കാർ അതിന് ചെവി കൊടുത്തില്ല.
താൻ മുഖ്യമന്ത്രിയായിരുന്നപ്പോൾ മാർച്ച് എട്ടിന് തന്നെ ഷോപ്പിങ്ങ് മാളുകൾ, സ്കൂളുകൾ എന്നിവ അടച്ചിടാൻ നിർദ്ദേശം നൽകിയിരുന്നു.
രണ്ടാഴ്ചയോളം നീണ്ടു നിന്ന റിസോർട്ട് രാഷ്ട്രീയത്തിന് ഒടുവിലായിരുന്നു ശിവരാജ് സിംഗ് ചൗഹാൻ അധികാരം തിരിച്ച് പിടിച്ചത്. അതേസമയം സംസ്ഥാനത്ത് രാഷ്ട്രീയ നാടകങ്ങൾ അരങ്ങേറിയതിനാലാണ് കൊവിഡ് നിയന്ത്രിക്കുന്നതിൽ വീഴ്ച പറ്റിയതെന്ന വിമർശനം ശക്തമാണ്.
രാജ്യത്ത് കൊവിഡ് കേസുകൾ ഏറ്റവും കൂടുതൽ റിപ്പോർട്ട് ചെയ്ത രണ്ടാമത്തെ സംസ്ഥാനമാണ് മധ്യപ്രദേശ്.
സംസ്ഥാനത്തെ ജനസംഖ്യയിൽ 25 മുതൽ 30 ശതമാനം വരെ ഗ്രാമങ്ങളിലാണ് താമസിക്കുന്നത്.ഗ്രാമത്തിലുള്ളവരെ എന്തുകൊണ്ട് പരിശോധനയ്ക്ക് വിധേയമാക്കുന്നില്ല.
ബിജെപി ജനങ്ങളെ വിഡ്ഢികളാക്കുകയാണ്. മുഖ്യമന്ത്രി ശിവരാജ് സിംഗ് ചൗഹാന്റെ നേതൃത്വത്തിലാണ് നിലവിൽ സംസ്ഥാനത്ത് കൊവിഡ് പ്രതിരോധ പ്രവർത്തനങ്ങൾ നടത്തുന്നത്. സംസ്ഥാനത്ത് ഭരണ സ്തംഭവമാണെന്നും കമൽനാഥ് ആരോപിച്ചു.
സംസ്ഥാനത്ത് ഭരണ സ്തംഭനമാണെന്നും രാഷ്ട്രപതി ഭരണം ഏർപ്പെടുത്തണമെന്നും ആവശ്യപ്പെട്ട് പ്രസിഡന്റ് രാംനാഥ് കോവിന്ദിന് കോൺഗ്രസ് കത്തയച്ചിരുന്നു.
ചൗഹാന്റെ വൺമാൻ ഷോ ഭരണഘടന വിരുദ്ധമാണ്. സംസ്ഥാനത്ത് ഉടൻ മന്ത്രിസഭ വിപുലീകരണം നടത്തണം. മന്ത്രിസഭ വിപുലീകരിക്കാൻ മുഖ്യമന്ത്രിക്ക് സാധിക്കുന്നില്ലേങ്കിൽ ഭരണഘടന സംവിധാനങ്ങളുടെ തകർച്ചയാണ് ഉണ്ടായിരിക്കുന്നത്. അതുകൊണ്ട് തന്നെ കേന്ദ്രം ഇടപെടണം
കോവിഡ് പ്രതിസന്ധിയെ തുടർന്ന് നിയമസഭ പിരിച്ചുവിട്ടതായി സ്പീക്കർ അറിയിച്ചപ്പോൾ അദ്ദേഹത്തെ എല്ലാവരും ചേർന്ന് പരിഹസിച്ചു. എന്നാൽ പിന്നീട് എന്താണ് സംഭവിച്ചത്.
No comments