സ്വന്തം കുഴി തോണ്ടി ചൗഹാന്..!! കൂട്ടപൊരിച്ചല് തുടങ്ങി..!! ഉപമുഖ്യമന്ത്രി പദത്തിനായി പോര്..!! പുതിയ ആവശ്യവുമായി സിന്ധ്യയും..
അധികാരം തിരിച്ച് പിടിച്ചെങ്കിലും പക്ഷേ വലിയ വെല്ലുവിളികളാണ് മുഖ്യമന്ത്രി ശിവരാജ് സിംഗ് ചൗഹാനെ കാത്തിരിക്കുന്നത്.
മന്ത്രിസഭാ വിപുലീകരണം സംബന്ധിച്ച് ഇതിനോടകം തന്നെ ബിജെപിയില് ഭിന്നതകള് ഉടലടുത്തിട്ടുണ്ടെന്നാണ് റിപ്പോര്ട്ട്.വിശദാംങ്ങളിലേക്ക്
കൊറോണ ഭീതിയ്ക്കിടെയായിരുന്നു മധ്യപ്രദേശില് ശിവരാജ് സിംഗ് ചൗഹാന്റെ നേതൃത്വത്തിലുള്ള ബിജെപി സര്ക്കാര് അധികാരത്തിലേറിയത്. കൊവിഡ് പ്രതിരോധ പ്രവര്ത്തനങ്ങളിലാണ് നിലവില് സര്ക്കാര് ഊന്നല്.
ഏപ്രില് ആദ്യ വാരത്തോടെ മന്ത്രിസഭ വികസനം നടപ്പാക്കുമെന്നാണ് വിവരം. മധ്യപ്രദേശ് മന്ത്രിസഭയിലെ പരമാവധി അംഗസംഖ്യ 33 ആണ്. കോണ്ഗ്രസില് നിന്നും രാജിവെച്ച 22 വിമതരില് 6 ആറ് പേര് മന്ത്രിമാരായിരുന്നു.
ഇത് വലിയ പൊട്ടിത്തെറികള്ക്ക് വഴിവെയ്ക്കുമെന്ന് ബിജെപി വൃത്തങ്ങള് തന്നെ ചൂണ്ടിക്കാട്ടുന്നു. ഉപമുഖ്യമന്ത്രി പദത്തിനായി അമിത് ഷായുടെ അടുപ്പക്കാരനും ബിജെപി ചീഫ് വിപ്പുമായ നരോത്തം മിശ്ര അവകാശം ഉന്നയിച്ചിട്ടുണ്ട്.
അതുകൊണ്ട് അദ്ദേഹത്തിന് തന്നെ മുഖ്യമന്ത്രി സ്ഥാനം നല്കുന്ന കാര്യത്തില് ദേശീയ നേതൃത്വം അടക്കം നിലപാടെടുത്തിരുന്നു.
ഉപതിരഞ്ഞെടുപ്പാണ് ചൗഹാന് ലക്ഷ്യം വെയ്ക്കുന്നത്. രാജിവെച്ച കോണ്ഗ്രസ് 22 സീറ്റുകള്, കോണ്ഗ്രസിന്റെയും ബിജെപിയുടേയും ഒരോ അംഗങ്ങളുടെ മരണം മൂലം ഒഴിവു വന്ന സീറ്റുകള്, രാജിവെച്ച ബിജെപി അഗം .
22 സീറ്റുകളിലും മത്സരിക്കാനാണ് വിമതര് ലക്ഷ്യമിടുന്നത്. ഇവരെ തിരഞ്ഞെടുപ്പില് മത്സരിപ്പിക്കുന്നതിന് മുന്പ് ആദ്യഘട്ട മന്ത്രിസഭ വികസനത്തില് ഉള്പ്പെടുത്തി മണ്ഡലങ്ങളിലേക്ക് അയക്കണമെന്ന ആവശ്യം സിന്ധ്യ ബിജെപിക്ക് മുന്പില് വെച്ചിട്ടുണ്ട്.
സിന്ധ്യയുടെ ശക്തി കേന്ദ്രമായ ഗ്വാളിയോര്, ചമ്ബല് മേഖലകളിലാണ് ഉപതിരഞ്ഞെടുപ്പ് നടക്കുന്നത്. ബിജെപിയ്ക്കും മേഖലയില് ശക്തമായ സ്വാധീനമുണ്ട്.
ഉപതിരഞ്ഞെടുപ്പില് അതുകൊണ്ട് ബിജെപി നേതാക്കള് സീറ്റിനായി അവകാശവാദം ഉന്നയിക്കും. അത്തരം ഒരു സാഹചര്യം ഉണ്ടായാല് തങ്ങളുടെ മണ്ഡലത്തിലെ ബിജെപി സ്ഥാനാര്ത്ഥികള്ക്കെതിരെ വിമതര് പാലം വലിച്ചേക്കും.
ഇത് പാര്ട്ടിയില് പുതിയ പൊട്ടിത്തറികള്ക്ക് കാരണമാകും എന്ന കാര്യത്തില് തര്ക്കമില്ല. ഈ സാഹചര്യത്തില് ചില ബിജെപി നേതാക്കള് കോണ്ഗ്രസ് പാളയത്തിലേക്ക് ചേക്കേറുമോയെന്നും ഉറ്റുനോക്കപ്പെടുന്നുണ്ട്.
ബിജെപിയില് വരാനിരിക്കുന്നത് വലിയ ഭിന്നതയാണെന്നും കോണ്ഗ്രസ് വീണ്ടും അധികാരത്തില് ഏറുമെന്നുമാണ് കഴിഞ്ഞ ദിവസം മുന് മുഖ്യമന്ത്രി കമല്നാഥ് പറഞ്ഞത്.
നിലവില് ബിജെപിക്ക് 107 എംഎല്എമാരുടെ പിന്തുണയാണ് ഉള്ളത്. കോണ്ഗ്രസിന് 114 എംഎല്എമാരുടെ പിന്തുണയായിരുന്നു ഉണ്ടായിരുന്നത്. എംഎല്എമാരുടെ രാജിയോടെ കോണ്ഗ്രസിന്റെ അംഗബലം 92 ആയി.
No comments