മധ്യപ്രദേശില് ബി.ജെ.പിക്ക് സര്ക്കാരുണ്ടാക്കാനായാണ് രാജ്യത്ത് ലോക്ക് ഡൗണ് വൈകിപ്പിച്ചത്; ആരോപണവുമായി കമല് നാഥ്
രാജ്യത്ത് ലോക്ക് ഡൗണ് നടപ്പിലാക്കാന് കേന്ദ്രസര്ക്കാര് വൈകിയെന്ന് മധ്യപ്രദേശ് മുന് മുഖ്യമന്ത്രി കമല് നാഥ്. മധ്യപ്രദേശില് ബിജെപി സര്ക്കാരുണ്ടാക്കാനുള്ള ശ്രമങ്ങള് പുരോഗമിക്കുന്നതിനാലാണ് ലോക്ക്ഡൗണ് നടപ്പിലാക്കുന്നത് വൈകാന് കാരണമായതെന്നും അദ്ദേഹം ആരോപിച്ചു.
മാര്ച്ച് 20ന് കമല് നാഥ് രാജിവെച്ച് 23ന് മധ്യപ്രദേശില് ശിവരാജ് സിങ് ചൗഹാന് മുഖ്യമന്ത്രിയായി അധികാരമേറ്റതിന് ശേഷം മാത്രമാണ് ലോക്ക്ഡൗണ് നടപ്പിലാക്കാന് കേന്ദ്ര സര്ക്കാര് നടപടിയെടുത്തത്. കോവിഡ് 19 രാജ്യത്ത് പ്രതിസന്ധിയുണ്ടാക്കുമെന്ന് കഴിഞ്ഞ ഫെബ്രുവരിയില് രാഹുല് ഗാന്ധി മുന്നറിയിപ്പ് നല്കിയിരുന്നതാണ്. എന്നാല് അപ്പോഴും കേന്ദ്രം നടപടികള് ഒന്നും തന്നെ സ്വീകരിച്ചില്ലെന്നും അദ്ദേഹം പറഞ്ഞു.
No comments