സംസ്ഥാനത്തെ കോവിഡ് വാക്സിന് കുത്തിവയ്പ്പിനുള്ള നാളത്തെ (ജനുവരി 2) ഡ്രൈ റണിന്റെ (മോക് ഡ്രില്) നടപടി ക്രമങ്ങള് പൂര്ത്തിയായതായി ആരോഗ്യ മന്ത്രി
തിരുവനന്തപുരം; സംസ്ഥാനത്തെ കോവിഡ് വാക്സിന് കുത്തിവയ്പ്പിനുള്ള നാളത്തെ (ജനുവരി 2) ഡ്രൈ റണിന്റെ (മോക് ഡ്രില്) നടപടി ക്രമങ്ങള് പൂര്ത്തിയായതായി ആരോഗ്യ മന്ത്രി കെ.കെ. ശൈലജ ടീച്ചര് അറിയിച്ചു. നാല് ജില്ലകളിലാണ് ഡ്രൈ റണ് നടക്കുന്നത്. തിരുവനന്തപുരം ജില്ലയിലെ പൂഴനാട് പ്രാഥമികാരോഗ്യ കേന്ദ്രം, പേരൂര്ക്കട ജില്ലാ മാതൃക ആശുപത്രി, കിംസ് ആശുപത്രി, ഇടുക്കി ജില്ലയിലെ വാഴത്തോപ്പ് പ്രാഥമികാരോഗ്യ കേന്ദ്രം, പാലക്കാട് ജില്ലയിലെ സാമൂഹ്യാരോഗ്യ കേന്ദ്രം, വയനാട് ജില്ലയിലെ കുറുക്കാമൂല പ്രാഥമികാരോഗ്യ കേന്ദ്രം എന്നിവിടങ്ങളിലാണ് ഡ്രൈ റണ് നടക്കുന്നത്. രാവിലെ ഒന്പത് മുതല് 11 വരെയാണ് ഡ്രൈ റണ്. ഓരോ കേന്ദ്രങ്ങളിലും 25 ആരോഗ്യ പ്രവര്ത്തകര് വീതമാണ് ഡ്രൈ റണില് പങ്കെടുക്കുക.
No comments