വിദ്യാഭ്യാസ വകുപ്പ് സംസ്ഥാനത്തെ സ്കൂളുകളുടെ പ്രവര്ത്തനത്തില് കൂടുതല് ഇളവുകള് പ്രഖ്യാപിച്ചു
തിരുവനന്തപുരം: വിദ്യാഭ്യാസ വകുപ്പ് സംസ്ഥാനത്തെ സ്കൂളുകളുടെ പ്രവര്ത്തനത്തില് കൂടുതല് ഇളവുകള് പ്രഖ്യാപിച്ചു. ഡിഡിഇ/ആര്ഡിഡി/എഡി എന്നിവരുമായി ചേര്ന്ന് ഇതുവരെയുള്ള പ്രവര്ത്തനം നടത്തിയ അവലോകനത്തിന് ശേഷമാണ് കൂടുതല് ഇളവുകള് പ്രഖ്യാപിച്ചത്.
ഇനി മുതല് ഒരു ബെഞ്ചില് രണ്ട് കുട്ടികളെ ഇരുത്താം, നൂറില് താഴെ കുട്ടികളുള്ള എല്ലാ സ്കൂളുകളിലും എല്ലാം കുട്ടികള്ക്കും ഒരേ സമയം വരാവുന്നതും കൊവിഡ് മാനദണ്ഡം പാലിച്ച് ക്ലാസ് നടത്തേണ്ടതുമാണ്. രാവിലെയും ഉച്ചയുമായി വേണം ക്ലാസുകള് ക്രമീകരിക്കാന്. കുട്ടികള്ക്ക് യാത്ര സംബന്ധമായ ബുദ്ധിമുട്ടുണ്ടെങ്കില് രാവിലെ വരുന്ന കുട്ടികളെ വൈകിട്ട് വരെ ക്ലാസ് മുറിയില് തുടരാന് അനുവദിക്കാം.
No comments