കേരള ബ്ലാസ്റ്റേഴ്സ് ആരാധക കൂട്ടായ്മ ആയ മഞ്ഞപ്പട ഐ എസ് എല്ലിലെ റഫറിയിങിന്റെ ദയനീയ അവസ്ഥ ഫിഫയെ അറിയിച്ചിരിക്കുകയാണ്

കൊച്ചി : കേരള ബ്ലാസ്റ്റേഴ്സ് ആരാധക കൂട്ടായ്മ ആയ മഞ്ഞപ്പട ഐ എസ് എല്ലിലെ റഫറിയിങിന്റെ ദയനീയ അവസ്ഥ ഫിഫയെ അറിയിച്ചിരിക്കുകയാണ്. ഐ എസ് എല്ലില്‍ ഈ സീസണില്‍ മോശം റഫറിയിങ് കൊണ്ട് ഒരുപാട് പോയിന്റുകള്‍ നഷ്ടപ്പെട്ട ടീമാണ് കേരള ബ്ലാസ്റ്റേഴ്സ്.

തങ്ങള്‍ ഇതില്‍ എ ഐ എഫ് എഫിനും ഐ എസ് എല്‍ അധികൃതര്‍ക്കും പരാതി നല്‍കി മടുത്തു എന്നും അതുകൊണ്ടാണ് ഫിഫയെ പരാതി ബോധിപ്പിക്കുന്നത് എന്നും മഞ്ഞപ്പട പറഞ്ഞു.ഐ എസ് എല്‍ ഇന്ത്യന്‍ ഫുട്ബോളിനെ വളരാന്‍ സഹായിക്കുന്നുണ്ട് എങ്കിലും റഫറിയിങ് മേഖലയില്‍ ഒരുപാട് മെച്ചപ്പെടാനുണ്ട് എന്ന് മഞ്ഞപ്പട പറയുന്നു.

കളിയുടെ സൗന്ദര്യം മാത്രമല്ല സ്പിരിറ്റും മോശം റഫറിയിങ് കാരണം നഷ്ടപ്പെടുന്നു എന്ന് മഞ്ഞപ്പട ഫിഫയ്ക്ക് അയച്ച മെയിലില്‍ പറയുന്നു.