പൂര്ണമായും ഇന്ത്യയില് വികസിപ്പിച്ച കോവാക്സിന് 81 ശതമാനം ഫലപ്രദമാണെന്ന് ഭാരത് ബയോടെക്
ന്യൂഡല്ഹി: പൂര്ണമായും ഇന്ത്യയില് വികസിപ്പിച്ച കോവാക്സിന് 81 ശതമാനം ഫലപ്രദമാണെന്ന് ഭാരത് ബയോടെക്. മൂന്നാം ഘട്ട പരീക്ഷണ ഫലങ്ങളുടെ അടിസ്ഥാനത്തിലാണ് ഭാരത് ബയോടെകിന്റെ അവകാശവാദം. കൊറോണ വൈറസ് യുകെ വകഭേദത്തിനെതിരെയും ഇത് പ്രവര്ത്തിക്കുന്നുണ്ടെന്ന് ഭാരത് ബയോടെക് പ്രസ്താവനയില് പറഞ്ഞു.
ആകെ മരുന്നു പരീക്ഷണം നടത്തിയവരില് 43 പേരില് നടത്തിയ പരീക്ഷണത്തിന്റെ അടിസ്ഥാനത്തിലുള്ള വിലയിരുത്തലാണ് ഇപ്പോള് പുറത്തു വന്നിരിക്കുന്നത്. തെരഞ്ഞെടുത്ത വോളന്റിയര്മാരില് ഒരു വിഭാഗത്തിന് കോവാക്സിനും മറ്റൊരു വിഭാഗത്തിന് വാക്സിന് എന്ന പേരില് പ്ലാസിബോയും നല്കുന്ന ഡബിള് ബ്ലൈന്ഡഡ് പരീക്ഷണ രീതിയാണ് നടത്തിയത്.

No comments