നേതാക്കൾ ഡൽഹിയിൽ നിർണായക ചർച്ചകൾ നടത്തുമ്പോൾ പാലക്കാട് നിന്ന് വിരട്ടിയും വിലപേശിയും എ.വി. ഗോപിനാഥ്..!! ഒരു പഞ്ചായത്ത് അധികാരം വെച്ച്..
പാലക്കാട്: പുനഃസംഘടനയിലൂടെ മാത്രമേ പാര്ട്ടിയിലെ പ്രശ്നങ്ങള്ക്കു പരിഹാരമുണ്ടാകുയുള്ളൂവെന്നും മറിച്ചുള്ള ഒരു തീരുമാനവും അംഗീകരിക്കില്ലെന്നും പാലക്കാട് മുന് ഡിസിസി പ്രസിഡന്റ് എ. വി. ഗോപിനാഥ്. പ്രശ്നപരിഹാരത്തിന് വെള്ളിയാഴ്ച രാവിലെ വരെ കാക്കുമെന്നും അദ്ദേഹം പറഞ്ഞു. തീരുമാനം അനുകൂലമല്ലെങ്കില് മറിച്ച് ചിന്തിക്കേണ്ടിവരുമെന്നും കോണ്ഗ്രസ് നേതൃത്വത്തിന് അദ്ദേഹം അന്ത്യശാസനം നല്കി.
താന് ഉയര്ത്തിയ പ്രശ്നങ്ങള് വഷളാക്കാനും തന്നെ അപമാനിക്കാനും പാര്ട്ടി നേതൃത്വത്തില്നിന്നു ശ്രമമുണ്ടായതായും ഗോപിനാഥ് ആരോപിച്ചു.
കഴിഞ്ഞദി വസം ഉമ്മന്ചാണ്ടി വിളിച്ചു സംസാരിച്ചു. അദ്ദേഹം ഇടപെട്ടതോടെ പ്രശ്നപരിഹാരമുണ്ടാകുമെന്നാണു കരുതുന്നത്.
എന്തു തീരുമാനമെടുത്താലും ഒപ്പമുണ്ടാകുമെന്നു പ്രവര്ത്തകര് ഉറപ്പ് നല്കിയിട്ടുണ്ടെന്നും ഗോപിനാഥ് പറഞ്ഞു. പെരിങ്ങോട്ടുകുര്ശിയിലെ വസതിയില് ചേര്ന്ന യോഗത്തില് പെരിങ്ങോട്ടുകുര്ശി യുഡിഎഫ് പഞ്ചായത്ത് ഭരണസമിതി ഉള്പ്പെടെ നൂറുകണക്കിനു പ്രവര്ത്തകര് പങ്കെടുത്തു.

No comments