''കോണ്ഗ്രസിലായിരുന്നെങ്കില് സിന്ധ്യ മുഖ്യമന്ത്രിയാകുമായിരുന്നു, ബിജെപിയില് അയാള് ബാക്ക് ബെഞ്ചിലാണ്''..!! കാല് മാറ്റക്കാർക്ക് മുന്നറിയിപ്പുമായി രാഹുല് ഗാന്ധി.. സിന്ധ്യയോട്..
ന്യൂഡല്ഹി: ജ്യോതിരാദിത്യ സിന്ധ്യ കോണ്ഗ്രസ് വിട്ട് ബിജെപിയിലേക്ക് ചേക്കേറിയില്ലായിരുന്നുവെങ്കില് അദ്ദേഹം മുഖ്യമന്ത്രിയാകുമായിരുന്നുവെന്ന് കോണ്ഗ്രസ് നേതാവ് രാഹുല് ഗാന്ധി. സിന്ധ്യ ബിജെപിയില് ബാക്ക് ബെഞ്ചിലാണെന്നും രാഹുല് ആരോപിച്ചു. പാര്ട്ടിയിലെ യുവ പ്രവര്ത്തകരോട് സംസാരിക്കവെയായിരുന്നു രാഹുലിന്റെ പ്രതികരണം.
ബിജെപി നേതാവ് ജ്യോതിരാദിത്യ സിന്ധ്യ കോണ്ഗ്രസില് ആയിരുന്നെങ്കില് ഇപ്പോള് മുഖ്യമന്ത്രി ആകുമായിരുന്നുവെന്ന് കോണ്ഗ്രസ് നേതാവ് രാഹുല് ഗാന്ധി. കോണ്ഗ്രസ് സംഘടനയുടെ പ്രാധാന്യത്തെക്കുറിച്ച് പാര്ട്ടിയുടെ യൂത്ത് വിംഗിനോട് സംസാരിക്കുകയായിരുന്നു രാഹുല്.
കോണ്ഗ്രസിനെ ശക്തിപ്പെടുത്താന് സിന്ധ്യക്ക് അവസരമുണ്ടായിരുന്നു. ഒരു ദിവസം മുഖ്യമന്ത്രിയാകുമെന്ന് ഞാന് അദ്ദേഹത്തോട് പറയുകയും ചെയ്തിരുന്നു. എന്നാല് ഇതൊന്നും കേള്ക്കാന് സിന്ധ്യ തയാറായില്ല. ഇപ്പോള് ബിജെപിയില് എത്തിയ അദ്ദേഹം ഒരു ബാക്ബെഞ്ചറായി മാറിയെന്നും രാഹുല് പറഞ്ഞു.
ആര്എസ്എസിനും അവരുടെ പ്രത്യയശാസ്ത്രങ്ങള്ക്കുമെതിരെ ശക്തമായ പോരാട്ടം നടത്തണമെന്നും പ്രവര്ത്തകരോട് രാഹുല് പറഞ്ഞു. അതിനാരേയും ഭയപ്പെടേണ്ട കാര്യമില്ലെന്നും രാഹുല് കൂട്ടിച്ചേര്ത്തു.
കഴിഞ്ഞവര്ഷമാണ് കോണ്ഗ്രസ് നേതാവായിരുന്ന ജ്യോതിരാദിത്യ സിന്ധ്യ പാര്ട്ടിയില് നിന്നും രാജിവെച്ച് ബിജെപിയില് ചേര്ന്നത്. അദ്ദേഹത്തിനൊപ്പം 20 എംഎല്എമാരും ബിജെപിയിലേക്ക് ചേക്കേറിയതോടെയാണ് മധ്യപ്രദേശില് കമല് നാഥ് സര്ക്കാര് തകര്ന്നതും സംസ്ഥാനത്ത് ബിജെപി വീണ്ടും അധികാരത്തിലെത്തുന്നതും.
No comments