സുസ്മിത ദേവ് പാര്ട്ടി വിട്ടതിന് പിന്നാലെ നെട്ട ഡിസൂസയെ മഹിള കോണ്ഗ്രസിന്റെ ആക്ടിങ് പ്രസിഡന്റായി കോണ്ഗ്രസ് ദേശീയ അധ്യക്ഷ സോണിയ ഗാന്ധി നിയമിച്ചു.
ന്യൂഡല്ഹി: സുസ്മിത ദേവ് പാര്ട്ടി വിട്ടതിന് പിന്നാലെ നെട്ട ഡിസൂസയെ മഹിള കോണ്ഗ്രസിന്റെ ആക്ടിങ് പ്രസിഡന്റായി കോണ്ഗ്രസ് ദേശീയ അധ്യക്ഷ സോണിയ ഗാന്ധി നിയമിച്ചു. മുഴുവന് സമയ അധ്യക്ഷയെ നിയമിക്കുന്നത് വരെ മഹിള കോണ്ഗ്രസിന്റെ ചുമതല ഡിസൂസയെ ഏല്പിച്ച വിവരം കോണ്ഗ്രസ് ജനറല് സെക്രട്ടറി കെ.സി. വേണുഗോപാലാണ് അറിയിച്ചത്.
അസമിലെ പ്രമുഖ നേതാവും മുന് എം.പിയുമായിരുന്ന സുസ്മിത കഴിഞ്ഞ ദിവസം കോണ്ഗ്രസ് വിട്ട് തൃണമൂല് കോണ്ഗ്രസില് ചേര്ന്നിരുന്നു. സുസ്മിത ദേവ് അസമില് തൃണമൂലിനെ നയിച്ചേക്കുമെന്നാണ് വിവരം. പൗരത്വ പ്രക്ഷോഭ നേതാവും എം.എല്.എയുമായ അഖില് ഗൊഗോയ് പാര്ട്ടി നേതൃ സ്ഥാനം നിരസിച്ചതോടെയാണ് സുസ്മിതക്ക് അവസരം ലഭിക്കുകയെന്നാണ് വിവരം.
No comments