പാര്ട്ടി എംഎൽഎമാര് മാത്രം പങ്കെടുത്തിട്ടും, മീറ്റിംഗിലെ കാര്യങ്ങള് വള്ളിപുള്ളി തെറ്റാതെ മാദ്ധ്യമങ്ങള് അറിഞ്ഞു..!! മുഹമ്മദ് റിയാസിനെതിരെ ഉയര്ന്ന വിമര്ശനങ്ങള് പുറത്തറിഞ്ഞതിൽ പിന്നിൽ ഈ എംഎൽഎ..
മന്ത്രി മുഹമ്മദ് റിയാസിനെതിരെ ഉയര്ന്ന വിമര്ശനങ്ങള് ചോര്ന്നതില് അതൃപ്തി അറിയിച്ച് സി.പി.എം നേതൃത്വം.
എ.കെ.ജി സെന്ററില് ചേര്ന്ന നിയമസഭാകക്ഷി യോഗത്തിലാണ് കോടിയേരി ബാലകൃഷ്ണന് അതൃപ്തി അറിയിച്ചത്. പാര്ട്ടി എം.എല്.എമാര് മാത്രം പങ്കെടുത്ത യോഗത്തിലെ ചര്ച്ചകള് മാദ്ധ്യമങ്ങള്ക്ക് ചോര്ത്തി നല്കുന്നത് സംഘടനയ്ക്ക് ചേര്ന്ന രീതിയല്ലെന്നും ഇത്തരം കാര്യങ്ങള് ആവര്ത്തിക്കരുതെന്നും കോടിയേരി താക്കീത് നല്കി.
കരാറുകാരേയും കൂട്ടി എം.എല്.എമാര് മന്ത്രിക്കു മുന്നിലേക്കു വരരുതെന്ന് മുഹമ്മദ് റിയാസ് പറഞ്ഞതിനെതിരെ സി.പി.എം നിയമസഭാകക്ഷി യോഗത്തില് എം.എല്.എമാര് വിമര്ശനം ഉയര്ത്തിയിരുന്നു. എന്നാല് റിയാസിന്റേത് പാര്ട്ടി നിലപാടാണെന്ന് പറഞ്ഞ് മുഖ്യമന്ത്രിയും പാര്ട്ടി ആക്ടിംഗ് സെക്രട്ടറി എ.വിജയരാഘവനും റിയാസിന് പിന്തുണ പ്രഖ്യാപിച്ചിരുന്നു.
No comments