ഭര്ത്താവിന്റെ വിജയത്തിനായി ബിജെപി വേദിയില് കോണ്ഗ്രസ് എംപി പ്രണീത് കൗർ..
ഭര്ത്താവ് അമരീന്ദര് സിങ്ങിന്റെ തെരഞ്ഞെടുപ്പ് പ്രചാരണത്തിനായി കോണ്ഗ്രസ് നേതാവും എംപിയുമായ പ്രണീത് കൗര് ബിജെപി വേദിയില്.
ബിജെപിയുടെ സഖ്യകക്ഷിയായ പഞ്ചാബ് ലോക് കോണ്ഗ്രസ് സ്ഥാനാര്ഥിയായിട്ടാണ് പട്യാല അര്ബനില് നിന്ന് അമരീന്ദര് നിയമസഭാ തെരഞ്ഞെടുപ്പില് ജനവിധി തേടുന്നത്. ബിജെപി സംഘടിപ്പിച്ച പരിപാടിയിലാണ് സ്ഥലം എംപിയായ പ്രണീത് കൗര് പങ്ക് എടുത്തത്.
കുടുംബാംഗമെന്ന നിലയിലാണ് അമരീന്ദര് പങ്കെടുക്കുന്ന പരിപാടിയില് എത്തിയതെന്ന് പ്രണീത് കൗര് വിശദീകരിച്ചു. ഭര്ത്താവിനായി പ്രചാരണം നടത്തുമെന്നും അവര് വ്യക്തമാക്കി. കോണ്ഗ്രസിന്റെ തെരഞ്ഞെടുപ്പ് പ്രചാരണ പരിപാടികളില് നിന്ന് കൗര് വിട്ടുനില്ക്കുന്നത് നേരത്തെ ചര്ച്ചയായിരുന്നു. ഒന്നുകില് പ്രചാരണത്തില് പങ്കെടുക്കണമെന്നും അല്ലെങ്കില് രാജിവെക്കണമെന്നും പട്യാലയിലെ കോണ്ഗ്രസ് സ്ഥാനാര്ഥി വിഷ്ണു ശര്മ പ്രണീത് കൗറിനോട് ആവശ്യപ്പെട്ടിരുന്നു. അതിന് പിന്നാലെയാണ് എതിര് സ്ഥാനാര്ഥിയുടെ പ്രചാരണപരിപാടിയില് പ്രണീത് കൗര് പങ്കെടുത്തത്. ഞാന് എന്റെ കുടുംബത്തോടൊപ്പമാണ്. എനിക്ക് എന്റെ കുടുംബമാണ് എല്ലാത്തിനും വലുത്- കൗര് വ്യക്തമാക്കി.
No comments