പ്രതിപക്ഷ പാര്ട്ടികളുമായി നിതീഷ് കുമാര് സംസാരിച്ചു.
പ്രതിപക്ഷ പാര്ട്ടികളുമായി നിതീഷ് കുമാര് സംസാരിച്ചു. കോണ്ഗ്രസ് അദ്ധ്യക്ഷ സോണിയാ ഗാന്ധിയുമായും അദ്ദേഹം സംസാരിച്ചു എന്നാണ് വിവരം. ഇതിന് പിന്നാലെ ജെ.ഡി.യു എം.പിമാരെ പാട്നയിലെത്താനും അദ്ദേഹം നിര്ദ്ദേശിച്ചിട്ടുണ്ട്, പ്രധാനമന്ത്രി ഇന്ന് വിളിച്ചു ചേര്ത്ത നിതി ആയോഗ് യോഗത്തില് നിതീഷ് കുമാര് പങ്കെടുത്തിരുന്നില്ല.
അതേസമയം ബിഹാറിലെ നിയമസഭാ മണ്ഡലങ്ങളിലെ പ്രശ്നങ്ങള് ചര്ച്ച ചെയ്യാന് ചേര്ന്ന ജനത ദര്ബാറില് അദ്ദേഹം പങ്കെടുക്കുകയും ചെയ്തു.രാഷ്ട്രപതി തിരഞ്ഞെടുപ്പില് എന്.ഡി.എ സ്ഥാനാര്ത്ഥിയായ ദ്രൗപദി മുര്മ്മുവിന്റെ സ്ഥാനാര്ത്ഥിത്വത്തെ അദ്ദേഹം പിന്തുണച്ചിരുന്നു. എന്നാല് സത്യപ്രതിജ്ഞ ചടങ്ങില് നിന്ന് വിട്ടുനിന്ന് രാഷ്ട്രീയ വിഷയങ്ങളിലെ വിയോജിപ്പ് നിതീഷ് കുമാര് രേഖപ്പെടുത്തിയിരുന്നു.
ബിഹാര് നിയമസഭ സ്പീക്കറുമായി തുടരുന്ന ഏറ്റുമുട്ടലാണ് ഇപ്പോഴത്തെ പ്രശ്നങ്ങള്ക്ക് കാരണം. സ്പീക്കറെ മാറ്റണമെന്ന ആവശ്യം ബി.ജെ.പി കേന്ദ്ര നേതൃത്വത്തിന് മുന്നില് ഉന്നയിച്ചെങ്കിലും പരിഗണിച്ചിട്ടില്ല. സ്പീക്കറുടെ ക്ഷണപ്രകാരം ബിഹാര് നിയമസഭയുടെ സുവര്ണ ജൂബിലി ആഘോഷങ്ങളില് പ്രധാനമന്ത്രി പങ്കെടുത്തതിലും നിതീഷ് കുമാര് അതൃപ്തി രേഖപ്പെടുത്തിയിരുന്നു.
No comments