മുകുള് വാസ്നിക് മത്സരരംഗത്തേക്ക്
രാജസ്ഥാന് മുഖ്യമന്ത്രി അശോക് ഗലോട്ട് മത്സരിക്കാനില്ലെന്ന് വ്യക്തമായ സാഹചര്യത്തിലാണ് മുകുള് വാസ്നിക് മത്സരരംഗത്തേക്ക് വരുന്നത്. നിലവില് മുതിര്ന്ന ദിഗ് വിജയ് സിംഗ്, തിരുവനന്തപുരം എംപി ശശി തരൂര് എന്നിവരാണ് മത്സരരംഗത്തുള്ളത്.
നേരത്തെ ജി 23 ഗ്രൂപ്പുമായി ബന്ധം പുലര്ത്തിയിരുന്നുവെങ്കിലും കഴിഞ്ഞ കുറച്ചു കാലമായി മുകുള് വാസ്നിക് നെഹ്റു കുടുംബത്തോട് അടുപ്പം കാണിക്കുന്നുണ്ട്. ഗലോട്ട് പിന്മാറിയ സാഹചര്യത്തിലാണ് പൊതുസ്വീകാര്യത പരിഗണിച്ച് മുകുള് വാസ്നികിനെ മത്സരരംഗത്തേക്ക് അനൗദ്യോഗികമായി പിന്തുണച്ചത് എന്നാണ് സൂചന. നെഹ്റു കുടുംബവുമായി അടുപ്പം പുലര്ത്തുന്ന മുതിര്ന്ന നേതാവ് പവന് കുമാര് ബന്സാല് നേരത്തെ ഒരു സെറ്റ് പത്രിക വാങ്ങിയിരുന്നു. ആ പത്രിക മുകുള് വാസ്നിക്കിന്്റെ പേരില് സമര്പ്പിക്കപ്പെടാനാണ് സാധ്യത. നാമനിര്ദേശ പത്രിക പിന്വലിക്കേണ്ട അവസാന തീയതി ഒക്ടോബര് എട്ടിനാണ്. അതുവരെ നാടകീയരംഗങ്ങള് തുടരാനാണ് സാധ്യത
No comments