കോണ്ഗ്രസ് അധ്യക്ഷ സോണിയാ ഗാന്ധിയുമായി ആന്റണി കൂടിക്കാഴ്ച നടത്തും.
കോണ്ഗ്രസ് അധ്യക്ഷ സോണിയാ ഗാന്ധിയുമായി ആന്റണി കൂടിക്കാഴ്ച നടത്തും. ഇതിനിടെ, രാജസ്ഥാനിലെ നാടകീയ സംഭവങ്ങള്ക്ക് പിന്നാലെ ഗെലോട്ടും ദില്ലിയിലെത്തി.
കോണ്ഗ്രസ് അധ്യക്ഷ സ്ഥാനത്തേക്ക് സ്ഥാനാര്ത്ഥിയെ കണ്ടെത്താനുള്ള ഹൈക്കമാന്ഡ് നീക്കത്തിന് കനത്ത തിരിച്ചടി നേരിട്ട സാഹചര്യത്തില് അടുത്ത നടപടികള് ആലോചിക്കുകയാണ് ഹൈക്കമാന്ഡ്. ഇതിന്റെ ഭാഗമായാണ് എ.കെ. ആന്റണിയെ വിളിച്ചു വരുത്തിയത്. വിശ്വസ്തന്റെ ഭാഗത്ത് നിന്ന് അപ്രതീക്ഷിതമായുണ്ടായ നീക്കം ഗെലോട്ടിന്റെ മേലുള്ള ഗാന്ധി കുടുബത്തിന്റെ വിശ്വാസത്തിന് ഇടിവ് വരുത്തിയിട്ടുണ്ട്. ഗെലോട്ടുമായുള്ള ആശയവിനിമയം പൂര്ണമായും അടഞ്ഞിട്ടില്ലെങ്കിലും മറ്റ് വഴികള് കൂടി തേടുകയാണ് നേതൃത്വം. ഹൈക്കമാന്ഡുമായുള്ള കൂടിക്കാഴ്ചയില് സോണിയാ ഗാന്ധി തന്നെ അധ്യക്ഷ സ്ഥാനത്ത് തുടരണമെന്ന് എ.കെ.ആന്റണി നിര്ദേശിക്കാനുള്ള സാധ്യതയുണ്ട്. എന്നാല് കൂടിക്കാഴ്ചയെ കുറിച്ച് കൂടുതലൊന്നും പറയാന് ആന്റണി തയ്യാറായില്ല.
No comments