കോൺഗ്രസിന് പ്രതീക്ഷ.. ബിജെപിയിൽ കലാപം.. എംഎൽഎ അല്ലാത്തവർ പോലും മന്ത്രി സ്ഥാനത്തിനു വേണ്ടി പിടിവലി.. വകുപ്പ് വിഭജനം കീറാമുട്ടി.. ഉപമുഖ്യമന്ത്രി പദത്തിന് മൂന്നുപേർ.. യെദ്യൂരപ്പ സര്ക്കാരിന്റെ ഭാവിയും തുലാസിൽ.. കര്ണാടകയില് ഉടന് തെരഞ്ഞെടുപ്പ് നടക്കാനും സാധ്യത..
കഴിഞ്ഞ ദിവസമാണ് കര്ണാടക മന്ത്രിസഭ വികസിപ്പിച്ചത്. മൂന്ന് ഉപമുഖ്യമന്ത്രിമാരെ നിയമിച്ചാണ് യെദിയൂരപ്പ സംസ്ഥാന ഗ്രൂപ്പ് തര്ക്കങ്ങള് ഒരുവിധം പരിഹരിച്ചത്. ഗോവിന്ദ് കര്ജോള്, അശ്വന്ത് നാരായണ്, ലക്ഷ്മണ് സാവദി എന്നിവരെയാണ് ഉപമുഖ്യമന്ത്രിമാരാക്കിയത്.
ഇതില് ലക്ഷ്മണ് സാവദിയുടെ നിയമനം കര്ണാടക മാധ്യമങ്ങള് ചര്ച്ച ചെയ്യുകയാണ്. 2012ല് എംഎല്എയായിരുന്ന ലക്ഷ്മണ് സാവദി നിയമസഭയില് ഇരുന്ന് പോണ് വീഡിയോ കണ്ടതിനെ തുടര്ന്ന് വിവാദത്തില്പ്പെടുകയും രാജിവെക്കുകയും ചെയ്തിരുന്നു.
നിയമസഭ സമ്മേളനം നടക്കുന്ന സമയത്താണ് ലക്ഷ്മണ്, സി സി പാട്ടീല്, കൃഷ്ണ പാലേമര് എന്നിവര് അശ്ലീല വീഡിയോ കണ്ടത്.
സുപ്രധാന വകുപ്പുകള് തെരഞ്ഞെടുക്കപ്പെട്ട മന്ത്രിമാര്ക്ക് നല്കരുതെന്ന് അയോഗ്യരാക്കപ്പെട്ട എം.എല്.എമാര് മുഖ്യമന്ത്രിയോട് ആവശ്യപ്പെട്ടിട്ടുണ്ട്.
രമേഷ് ജര്ക്കിഹോളിക്ക് വേണ്ടി ഉപമുഖ്യമന്ത്രി സ്ഥാനം മാറ്റിവെക്കണമെന്ന ആവശ്യവും ഇവര് ഉയര്ത്തി. കോണ്ഗ്രസ് - ജെ.ഡി.എസ് സഖ്യ സര്ക്കാരിനെ വിമത നീക്കത്തിലൂടെ മറിച്ചിടാന് മുഖ്യ പങ്കുവഹിച്ചത് കോണ്ഗ്രസ് എം.എല്.എ ആയിരുന്ന രമേശ് ആയിരുന്നു.
അതേസമയം, മൂന്ന് ഉപമുഖ്യമന്ത്രിമാര് വേണമെന്ന ആവശ്യം ബി.ജെ.പിയിലെ ഒരു വിഭാഗം മുന്നോട്ടുവച്ചിട്ടുണ്ട്. ഇത് തന്റെ ചിറകരിയാനുള്ള നീക്കമാണെന്ന നിഗമനത്തിലാണ് യെദ്യൂരപ്പ.
എം.എല്.എമാര് അതൃപ്തി അറിയിച്ചതിനു പിന്നാലെ സുള്ള്യ മേഖലയില് പാര്ട്ടിയുടെ താലൂക്ക് തലത്തിലുള്ള നേതാക്കള് ഉള്പ്പെടെ 150 ഓളം പ്രവര്ത്തകര് കഴിഞ്ഞദിവസം രാജിവച്ച് നേതൃത്വത്തിന് കത്ത് നല്കിയിരുന്നു.
എം.എല്.എമാരും അയോഗ്യരാക്കപ്പെട്ട എം.എല്.എമാരെ പിന്തുണക്കുന്നവരും പാര്ട്ടിക്കകത്ത് പോര് തുടങ്ങിയതോടെ കേന്ദ്ര നേതൃത്വത്തിന്റെ തലവേദന കൂടി. വിഷയം യെദ്യൂരപ്പ തന്നെ പരിഹരിക്കണമെന്ന നിലപാടാണ് കേന്ദ്ര നേതൃത്വം സ്വീകരിച്ചത്.
മന്ത്രിസഭയുമായി ബന്ധപ്പെട്ട പ്രശ്നങ്ങള് ഉടന് പരിഹരിക്കണമെന്ന് കേന്ദ്രനേതൃത്വം യെദ്യൂരപ്പയോട് ആവശ്യപ്പെട്ടിട്ടുണ്ട്. അതിന് കഴിയുന്നില്ലെങ്കില് നിയമസഭ പിരിച്ചുവിട്ട് തെരഞ്ഞെടുപ്പ് നടത്തുന്നതാണ് നല്ലതെന്നും കേന്ദ്രനേതൃത്വം വ്യക്തമാക്കിയിട്ടുണ്ട്.
No comments