എംഎല്എയുടെ രാജിക്ക് പിന്നാലെ ഗുജറാത്ത് ബിജെപിയില് പൊട്ടിത്തെറി; തദ്ദേശ സ്ഥാപനങ്ങളില് കൂട്ടരാജി
ഗുജറാത്തിലെ സാവ്ളി മണ്ഡലം എം.എല്.എ കേതന് ഇനാംദാര് രാജിവെച്ചതിനെ തുടര്ന്ന് ബിജെപിയില് പൊട്ടിത്തെറി. രാജിവെച്ച എംഎല്എക്ക് പിന്തുണയുമായി തദ്ദേശ സ്ഥാപനങ്ങളിലെ ബിജെപി പ്രതിനിധികള് രാജിവെച്ചു. ഇനാംദാറിന് പിന്തുണ പ്രഖ്യാപിച്ച് സാവ്ളി നഗരസഭയിലെയും താലൂക്ക് പഞ്ചായത്തിലേയും ബി.ജെ.പി നേതാക്കളാണ് രാജിവെച്ചത്.സാവ്ളി മുനിസിപ്പല് അധ്യക്ഷന് കെ എച്ച് സേഥ്, ഉപാധ്യക്ഷന് ഖ്യാതി പട്ടേല് എന്നിവരടക്കം 23 അംഗങ്ങളും താലൂക്ക് പഞ്ചായത്തിലെ 17 അംഗങ്ങളും രാജി സമര്പ്പിച്ചു.
വഡോദര ഡെയറി അധ്യക്ഷനും മുന് എംഎല്എയുമായ പാദ്ര ദിനേശ് പട്ടേല്, കാര്ഷികോല്പ്പന്ന വിപണന സമിതിയിലെ അംഗങ്ങളും പാര്ട്ടി സ്ഥാനം വഹിക്കുന്നവരും രാജിസമര്പ്പിച്ചു.
No comments