വോട്ടുശതമാനം കൂടിയത് അത് കൊണ്ടാണ്..!! ഇനിയുള്ള പ്രചാരണത്തിന് ആയുധമാക്കും: പുതിയ 'കണ്ടെത്തലു'മായി ബി.ജെ.പി..!!

 ഡ​ല്‍​ഹി​ നിയമസഭാ തിരഞ്ഞെടുപ്പില്‍ കനത്ത പരാജയം നേരിടേണ്ടി വന്നെങ്കിലും പൗ​ര​ത്വ നി​യ​മ​ദേ​ഗ​തി നിയമം സം​ബ​ന്ധി​ച്ച വി​വാ​ദ​ങ്ങ​ളും പ്ര​ക്ഷോ​ഭ​ങ്ങ​ളും ഗു​ണം ചെ​യ്തു​വെ​ന്ന അഭിപ്രായമാണ് ബി.ജെ.പിക്ക്. രാ​ജ്യ​മൊ​ട്ടാ​കെ നിയമനത്തിനെതിരെയുള്ള പ്ര​ക്ഷോ​ഭം ഇപ്പോഴും തുടരുന്ന വേളയിലും ത​ങ്ങ​ളു​ടെ വോ​ട്ട് ബാ​ങ്കി​ല്‍ വി​ള്ള​ല്‍ വീണിട്ടില്ലെന്നാണ് പാ​ര്‍​ട്ടി വൃ​ത്ത​ങ്ങ​ള്‍ വിലയിരുത്തുന്നത്. ഡ​ല്‍​ഹി​യി​ലെ വോ​ട്ട് വി​ഹി​തത്തില്‍ ആ​റു ശ​ത​മാ​നത്തിന്റെ വര്‍ദ്ധനവുണ്ടായതും ഇതിന്റെ തെളിവാണെന്ന് ബി.ജെ.പി അഭിപ്രായപ്പെടുന്നു.

അതുകൊണ്ടുതന്നെ, ഇനി വരുന്ന തെ​ര​ഞ്ഞെ​ടു​പ്പു​ക​ളി​ലെ​ല്ലാം പൗ​ര​ത്വ നി​യ​മം ഒ​രു പ്ര​ധാ​ന പ്ര​ചാ​ര​ണാ​യു​ധ​മാ​ക്കി മാ​റ്റാ​ണ് ബി.ജെ.പി തീരുമാനിച്ചിരിക്കുന്നത്.

ഡ​ല്‍​ഹി​യി​ല്‍ ആം​ ആ​ദ്മി പാ​ര്‍​ട്ടി പൗരത്വ നിയമ ഭേദഗതി വിഷയം തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ന് പ്രതികൂലമായി ഉ​പ​യോ​ഗി​ച്ചി​ല്ലെ​ങ്കി​ലും മ​റ്റു സം​സ്ഥാ​ന​ങ്ങ​ളി​ല്‍ സ്ഥി​തി വ്യ​ത്യ​സ്ത​മാ​യി​രി​ക്കു​മെ​ന്നും പാ​ര്‍​ട്ടി വി​ല​യി​രു​ത്തു​ന്നുന്നുണ്ട്. അതിനാല്‍ ഇ​തു സം​ബ​ന്ധി​ച്ച്‌ ശ​ക്ത​മാ​യ പ്ര​ചാ​ര​ണ​വു​മാ​യ് ബി.ജെ.പി മു​ന്നോ​ട്ടു പോ​കും.

ഇനി തെ​ര​ഞ്ഞെ​ടു​പ്പ് ന​ട​ക്കാ​നി​രി​ക്കു​ന്ന ബി​ഹാ​ര്‍, കേ​ര​ളം, പ​ശ്ചി​മ​ ബംഗാള്‍, ആ​സാം എ​ന്നീ സം​സ്ഥാ​ന​ങ്ങ​ളി​ല്‍ പൗ​ര​ത്വ നി​യ​മ​ത്തി​നെ​തി​രേ​യു​ള്ള എ​തി​ര്‍​പ്പു​ക​ള്‍ നിലവില്‍ ശ​ക്ത​മാ​ണ്. ഈ വര്‍ഷവും അടുത്ത വര്‍ഷവുമായാണ് ഈ നാല് സംസ്ഥാനങ്ങളിലും തിരഞ്ഞെടുപ്പ് നടക്കുക. എ​ന്നാ​ല്‍ ത​ങ്ങ​ളു​ടെ നി​ല​പാ​ടി​ല്‍ ഉ​റ​ച്ചു നി​ന്നു​കൊ​ണ്ട് എ​തി​ര്‍ പാ​ര്‍​ട്ടി​ക​ളു​ടെ ആ​രോ​പ​ണ​ങ്ങ​ളു​ടെ മു​ന​യൊ​ടി​ക്കാ​നു​ള്ള ത​ന്ത്ര​ങ്ങ​ള്‍ മെ​ന​യു​മെ​ന്ന് ഒരു മു​തി​ര്‍​ന്ന ബി. ജെ. പി നേ​താ​വ് അഭിപ്രായപ്പെടുന്നു.