ഡികെ ശിവകുമാറിന്റെ വരവ്..!! ബിജെപി പിളരും..!! കര്ണാടകത്തില് കളിമാറുന്നു..!!
നിരവധി പ്രതിസന്ധി ഘട്ടങ്ങളില് കോണ്ഗ്രസിനെ സംരക്ഷിച്ച് നിര്ത്തിയ ഡികെ നേതൃ പദവി ഏറ്റെടുത്തതോടെ വന് അട്ടിമറികള് തന്നെ കര്ണാടകത്തില് ഉണ്ടായേക്കുമെന്നാണ് നേതൃത്വം കണക്കാക്കുന്നത്.
2018 ല് ബിജെപിയുടെ റിസോര്ട്ട് രാഷ്ട്രീയം പൊളിച്ച് കര്ണാടകത്തില് കോണ്ഗ്രസ്- ജെഡിഎസ് സഖ്യത്തിന് അധികാരത്തിലേറാന് വഴിയൊരുക്കിയത് ഡികെ ശിവകുമാറിന്റെ തന്ത്രങ്ങളായിരുന്നു.
ബിജെപിയുടെ ശക്തി കേന്ദ്രമായ ബെല്ലാരിയില് ശ്രീരാമലുവിന്റെ സഹോദരി ജെ ശാന്തയെയായിരുന്നു ബിജെപി സ്ഥാനാര്ത്ഥിയാക്കിയത്. കോണ്ഗ്രസിന് വേണ്ടി വിഎസ് ഉഗ്രപ്പയും. ഡികെയുടെ നീക്കങ്ങള് ഒന്നുകൊണ്ട് മാത്രമായിരുന്നു ബിജെപിയുടെ കോട്ടയില് കോണ്ഗ്രസിന് വിജയം സമ്മാനിച്ചത്.
ഇതിന് പിന്നാലെ ഡികെയെ സംസ്ഥാന അധ്യക്ഷനായി നിമയമിക്കാനുള്ള നീക്കങ്ങള് പാര്ട്ടിയില് നടക്കവേയായിരുന്നു അനധികൃത പണമിടപാട് കേസില് അദ്ദേഹത്തെ എന്ഫോഴ്സ്മെന്റ് അറസ്റ്റ് ചെയ്യുന്നത്.
സഖ്യസര്ക്കാരിന്റെ പതനത്തിന് പിന്നാലെയുള്ള നിയമസഭ ഉപതിരഞ്ഞെടുപ്പില് ഡികെയുടെ ആസാന്നിധ്യം കോണ്ഗ്രസിനെ ക്ഷയിപ്പിച്ചു. ഇത് ബിജെപിക്ക് ഗുണകരമായി. ബിജെപിക്ക് സ്വാധീനം പോലും ഇല്ലാതിരുന്ന പഴയ മൈസൂര് മേഖലയില് ഉള്പ്പെടെ പാര്ട്ടി സാന്നിധ്യമറിയിച്ചു.
തിരഞ്ഞെടുപ്പില് 15 ല് 13 സീറ്റുകള് വരെ നേടി. കോണ്ഗ്രസിന്റെ സിറ്റിങ്ങ് സീറ്റുകളായ കെആര് പെട്ടും ചിക്കബെല്ലാപുരയിലും വിജയിച്ചു. ഉപതിരഞ്ഞെടുപ്പില് കോണ്ഗ്രസിന് വിജയിക്കാനായത് വെറും 2 സീറ്റുകളില്.
വൊക്കാലിംഗ വിഭാഗത്തിലേയും ലിംഗായത്ത വിഭാഗത്തിലേയും നേതാക്കളായിരുന്നു ബിജെപിക്ക് വേണ്ടി തിരഞ്ഞെടുപ്പ് തന്ത്രങ്ങള് മെനഞ്ഞത്.
എന്നാല് ബിജെപിയുടെ ഈ നേട്ടങ്ങളെല്ലാം നിഷ്പ്രഭമാക്കാന് പോകുന്നതാണ് വൊക്കാലിംഗ വിഭാഗത്തില് നിന്നുള്ള ഡികെയുടെ വരവെന്ന് ബിജെപി നേതാക്കള് പറഞ്ഞതായി ടൈംസ് ഓഫ് ഇന്ത്യ റിപ്പോര്ട്ട് ചെയ്തു.
ഡികെ അധ്യക്ഷനാകുന്നതോട് കൂടി ഒരു വിഭാഗം ജെഡിഎസ് നേതാക്കള് പാര്ട്ടി വിടുമെന്ന് നേരത്തേ റിപ്പോര്ട്ട് ഉണ്ടായിരുന്നു. പ്രത്യേകിച്ച് മൈസൂര് മേഖലയില് നിന്നുള്ളവര്.വൊക്കാലിംഗ സമുദായംഗമാണ് ഓള്ഡ് മൈസൂര് മേഖലയില് ജെഡിഎസിന്റെ വോട്ട് ബാങ്ക്.
അതേസമയം വോട്ടര്മാരുടെ സ്പന്ദനം അറിയുന്ന ശക്തമായ ജന പിന്തുണയുള്ള ഡികെ എത്തുന്നതോടെ കോണ്ഗ്രസിന് നിര്ണായക ശക്തിയാകാന് കഴിയുമെന്നും ബിജെപി നേതാക്കള് പറയുന്നു.
No comments