കോണ്ഗ്രസിലെ മാറ്റങ്ങള് ജനാധിപത്യത്തിന് ഗുണകരം..!! ജനപക്ഷത്തിന് താല്പര്യം യുഡിഎഫിനോടെന്നും പി സി ജോര്ജ്..!! ഒരു തവണ കൂടി തെരഞ്ഞെടുപ്പില് മത്സരിക്കും, അല്ലെങ്കിൽ...
തെരഞ്ഞെടുപ്പില് ഒരുവട്ടം കൂടി മത്സരിച്ചേക്കുമെന്ന് പി.സി. ജോര്ജ്. ഒരു തവണ കൂടി തെരഞ്ഞെടുപ്പ് പോരാട്ടത്തിന്റെ ഭാഗമായേക്കും, അല്ലെങ്കില് താന് പേടിച്ച് ഓടിയെന്ന് പറയും.
അതിന് ശേഷം മത്സര രംഗത്ത് നിന്ന് വിട്ട് നില്ക്കുമെന്നും പി.സി. ജോര്ജ് പറഞ്ഞു. യു.ഡി.എഫിലേക്ക് പോകുന്നതാണ് നല്ലതെന്നാണ് കേരള ജനപക്ഷത്തിന്റെ എല്ലാ കമ്മിറ്റികളുടെയും താല്പര്യമെന്നും പി.സി. ജോര്ജ് കൂട്ടിച്ചേര്ത്തു.
കോണ്ഗ്രസിലെ നിലവിലെ പ്രശനങ്ങള് തീര്ന്നാല് ഉടന് ചര്ച്ചകള്ക്ക് തുടക്കം കുറിക്കുമെന്നും പി.സി. ജോര്ജ് പറഞ്ഞു. കോണ്ഗ്രസിലെ പുതിയ മാറ്റങ്ങള് ജനാധിപത്യത്തിന് ഗുണകരമാണെന്നും അദ്ദേഹം പറഞ്ഞു. പാര്ട്ടിയ്ക്ക് ഉള്ളിലെ ജനാധിപത്യ ചര്ച്ചകള്ക്ക് ശേഷമാണ് ഡി.സി.സി പ്രസിഡന്റുമാരുടെ ലിസ്റ്റ് പുറത്ത് വന്നത്. പുതിയ ഭാരവാഹികള് കോണ്ഗ്രസ് പാരമ്ബര്യം ഉള്ളവര് തന്നെയാണ്. ഇപ്പോഴത്തെ പൊട്ടിത്തെറി ഉടന് അവസാനിക്കുമെന്നാണ് പ്രതീക്ഷയെന്നും അദ്ദേഹം പറഞ്ഞു.
തിരുവഞ്ചൂര് രാധാകൃഷ്ണന് ഉമ്മന് ചാണ്ടിക്കെതിരെ ഒന്നും പറഞ്ഞില്ല, എന്നാല് ചില സത്യങ്ങള് പറയുകയും ചെയ്തു. ഇപ്പോഴത്തെ സാഹചര്യത്തില് പ്രതിഷേധിച്ച് കോണ്ഗ്രസ് വിട്ടവര് തിരിച്ച് വന്നേക്കുമെന്നും പി.സി. ജോര്ജ് പറഞ്ഞു.
കെ.സി. വേണുഗോപാലിനെതിരെയുള്ള വിമര്ശനം കുശുമ്ബു കൊണ്ടാണ്. അദ്ദേഹം എ.ഐ.സി.സിയുടെ ഉയര്ന്ന തലത്തില് എത്തിയതില് അഭിമാനിക്കുകയാണ് വേണ്ടതെന്നും പി.സി. ജോര്ജ് കൂട്ടിച്ചേര്ത്തു.
No comments