വിദഗ്ദ്ധ സമിതിയുടെ അഭിപ്രായം വന്ന ശേഷം, മുഖ്യമന്ത്രി പിണറായി വിജയനുമായി ചര്ച്ച ചെയ്തതായിരിക്കും സ്കൂളുകള് തുറക്കുന്ന കാര്യത്തില് തീരുമാനമെടുക്കുകയെന്ന് മന്ത്രി പറഞ്ഞു
വിദഗ്ദ്ധ സമിതിയുടെ അഭിപ്രായം വന്ന ശേഷം, മുഖ്യമന്ത്രി പിണറായി വിജയനുമായി ചര്ച്ച ചെയ്തതായിരിക്കും സ്കൂളുകള് തുറക്കുന്ന കാര്യത്തില് തീരുമാനമെടുക്കുകയെന്ന് മന്ത്രി പറഞ്ഞു. സ്കൂളുകള് തുറക്കാമെന്ന അഭിപ്രായമാണ് വിദഗ്ദ്ധര് മുന്നോട്ടുവച്ചതെന്നും അദ്ദേഹം കൂട്ടിച്ചേര്ത്തു.
എന്തു ചെയ്താലും വിദ്യാഭ്യാസ വകുപ്പിനെ വിമര്ശിക്കുന്ന ചിലരുണ്ടെന്നും, സോഷ്യല് മീഡിയയിലൂടെ അത്തരം വിമര്ശനങ്ങള് ഉണ്ടാകുന്നുവെന്നും മന്ത്രി പറഞ്ഞു. പ്ലസ് വണ് പരീക്ഷയില് ഇടവേള വേണമെന്നായിരുന്നു ആദ്യം ആവശ്യം, അത് നല്കിയപ്പോള് ഇപ്പോള് ഒരുമിച്ചെഴുതാമെന്ന് പറയുന്നു. എന്തിനെയും വിമര്ശിക്കുന്ന അവസ്ഥയാണ് നിലവിലുള്ളതെന്ന് അദ്ദേഹം വിമര്ശിച്ചു.
സംസ്ഥാനത്ത് പ്രതിദിന കൊവിഡ് രോഗവ്യാപനം കൂടി നില്ക്കുന്നതില് ആശങ്ക വേണ്ടെന്നും, ഞായര് ലോക്ക്ഡൗണും രാത്രി കര്ഫ്യൂവും ഒഴിവാക്കി, സ്കൂളുകളുള്പ്പെടെ തുറന്ന് ജനജീവിതം സാധാരണ നിലയിലേക്ക് തിരിച്ചു കൊണ്ടുവരാമെന്നും മുഖ്യമന്ത്രി പിണറായി വിജയന് വിളിച്ചുചേര്ത്ത യോഗത്തില് അന്താരാഷ്ട്ര വിദഗ്ദ്ധര് നിര്ദേശിച്ചിരുന്നു.
No comments