എജിയുടെ രാജിയിൽ മുഖ്യമന്ത്രി ചന്നിക്കെതിരേ കോണ്ഗ്രസ് നേതാക്കൾ രംഗത്ത്..!!
അഡ്വക്കേറ്റ് ജനറലിന്റെ രാജിയുമായി ബന്ധപ്പെട്ടു പഞ്ചാബ് മുഖ്യമന്ത്രി ചരണ്ജിത് ചന്നിക്കെതിരേ വിമര്ശനവുമായി കോണ്ഗ്രസ് നേതാക്കള്.
മുഖ്യമന്ത്രി കീഴടങ്ങിയെന്നു മുന് പിസിസി അധ്യക്ഷന് സുനില് ഝാക്കര് കുറ്റപ്പെടുത്തി. എജിയുടെ ഓഫീസിനെ രാഷ്ട്രീയവത്കരിക്കുന്ന നടപടി ഭരണഘടനാ സ്ഥാപനങ്ങളുടെ വിശ്വാസ്യത നഷ്ടപ്പെടുത്തുമെന്നു കോണ്ഗ്രസ് നേതാവും അനന്ത്പുര് സാഹിബില്നിന്നുള്ള എംപിയുമായി മനീഷ് തിവാരി ട്വീറ്റ് ചെയ്തു.
എജിയായിരുന്ന എ.പി.എസ്. ദേവലിന്റെ രാജി അംഗീകരിച്ചതായി ചന്നി സര്ക്കാര് കഴിഞ്ഞ ദിവസം പ്രഖ്യാപിച്ചതിനു പിന്നാലെയാണു പാര്ട്ടിക്കുള്ളില്നിന്നുതന്നെ മുഖ്യമന്ത്രിക്കെതിരേ വിമര്ശനശരങ്ങള് ഉയര്ന്നത്. പഞ്ചാബ് കോണ്ഗ്രസ് അധ്യക്ഷന് നവജ്യോത് സിംഗ് സിദ്ദുവിന്റെ സമ്മര്ദത്തിനു വഴങ്ങിയാണ് എജിയെ നീക്കിയതെന്നാണു വിമര്ശനം.
No comments