കാമുകനോട് ഒപ്പം ജീവിക്കാൻ സ്വന്തം ഭർത്താവിനെ മയക്കുമരുന്ന് കേസിൽ കുടുക്കാൻ ശ്രമം..!! സിപിഎം പഞ്ചായത്തംഗം അറസ്റ്റിൽ..!! നാടകീയ നീക്കം കയ്യോടെ പൊക്കി..
ഇടുക്കി വണ്ടന്‍മേട്ടില്‍ പഞ്ചായത്തംഗത്തിന്റെ ഭര്‍ത്താവിന്റെ ബൈക്കില്‍ നിന്ന് മാരകലഹരിമരുന്നായ എം.ഡി.എ.എ പിടികൂടിയ സംഭവത്തില്‍ വന്‍വഴിത്തിരിവ്.
ഭര്‍ത്താവിന്റെ ബൈക്കില്‍ മയക്കുമരുന്ന് ഒളിപ്പിച്ചത് ഭാര്യയായ പഞ്ചായത്തംഗമാണെന്ന് തെളിഞ്ഞു. സംഭവത്തില്‍ വണ്ടന്‍മേട് പഞ്ചായത്ത് അംഗം സൗമ്യ സുനിലിനെ പൊലീസ് അറസ്റ്റുചെയ്തു.
ഇവര്‍ ഭര്‍ത്താവിന്റെ ഇരുചക്ര വാഹനത്തില്‍ എം.ഡി,എം,എ ഒളിപ്പിച്ചു വെക്കുകയായിരുന്നു. തുടര്‍ന്ന് വിവരം പൊലീസിനെ അറിയിച്ചു. പൊലീസ് നടത്തിയ പരിശോധനയില്‍ മയക്കുമരുന്ന് പിടികൂടുകയായിരുന്നു, എന്നാല്‍ പൊലീസ് പിന്നീട് നടത്തിയ അന്വേഷണത്തില്‍ ഭര്‍ത്താവ് നിരപരാധിയാണെന്ന് തെളിഞ്ഞു. തുടര്‍ന്ന് കട്ടപ്പന ഡിവൈ.എസ്.പിയുടെ നേതൃത്വത്തില്‍ നടത്തിയ അന്വേഷണത്തിലാണ് യുവാവിനെ കള്ളക്കേസില്‍ കുടുക്കാനുള്ള നീക്കം പുറത്തുവന്നത്.
ഭര്‍ത്താവിനെ ജയിലിലാക്കിയ ശേഷം കാമുകനൊപ്പം ജീവിക്കാനായിരുന്നു യുവതിയുടെ പദ്ധതി. ഇവരുടെ കാമുകന്‍ വിനോദ് വിദേശത്താണെന്നും പൊലീസ് സൂചിപ്പിച്ചു. കേസില്‍ സൗമ്യ, കൂട്ടുപ്രതികളായ എറണാകുളം സ്വദേശികളായ ഷാനവാസ്, ഷെഫിന്‍ എന്നിവരും അറസ്റ്റിലായി.ആദ്യം ഭര്‍ത്താവിനെ വണ്ടിയിടിപ്പിച്ച്‌ കൊലപ്പെടുത്താനായിരുന്നു പദ്ധതിയിട്ടത്. ഇതിനായി എറണാകുളത്തുള്ള സംഘത്തെ നിയോഗിച്ചു. എന്നാല്‍ പൊലീസ് പിടികൂടിയേക്കുമോയെന്ന ഭയത്തെ തുടര്‍ന്ന് ഈ നീക്കം ഉപേക്ഷിച്ചു.തുടര്‍ന്ന് ഭക്ഷണത്തില്‍ വിഷം നല്‍കി കൊലപ്പെടുത്തുന്നതിനെക്കുറിച്ചും ആലോചിച്ചു. പിന്നീട് ഈ പദ്ധതിയും ഉപേക്ഷിച്ചാണ് മയക്കുമരുന്ന് കേസില്‍ കുടുക്കാന്‍ തീരുമാനിച്ചത്.
No comments