വാര്ത്തകള് അടിസ്ഥാനരഹിതം..! ഗാന്ധി കുടുംബം നേതൃത്വത്തില് നിന്ന് മാറി നില്ക്കുമെന്ന റിപ്പോര്ട്ടുകള് തള്ളി കോണ്ഗ്രസ്..
അഞ്ച് സംസ്ഥാനങ്ങളിലെ നിയമസഭാ തിരഞ്ഞെടുപ്പുകളില് അഭിമുഖീകരിക്കേണ്ടിവന്ന കനത്ത പരാജയത്തിന്റെ പശ്ചാത്തലത്തില് സോണിയാ ഗാന്ധിയും പ്രിയങ്ക ഗാന്ധിയും സ്ഥാനങ്ങള് രാജിവെച്ചേക്കുമെന്ന വാര്ത്ത തള്ളി കോണ്ഗ്രസ്.
മാധ്യമവാര്ത്തകള് അടിസ്ഥാന രഹിതമാണെന്ന് കോണ്ഗ്രസ് ദേശീയ വക്താവ് രണ്ദീപ് സിങ് സുര്ജേവാലല പറഞ്ഞു. ഊഹാപോഹം പ്രചരിപ്പിക്കുന്നവര്ക്ക് നാളെ നിരാശപ്പെടേണ്ടി വരുമെന്ന് മാണിക്കം ടാഗോര് എംപിയും പ്രതികരിച്ചു.
ഞായറാഴ്ച ചേരുന്ന കോണ്ഗ്രസ് പ്രവര്ത്തക സമിതിയിയില് സോണിയ ഗാന്ധി രാജിസന്നദ്ധത അറിയിച്ചേക്കുമെന്നായിരുന്നു റിപ്പോര്ട്ട്. പ്രിയങ്ക ഗാന്ധി എഐസിസി ജനറല് സെക്രട്ടറി സ്ഥാനം രാജിവച്ചേക്കുമെന്നും റിപ്പോര്ട്ടുണ്ടായിരുന്നു
No comments