'കൈക്ക് പൊട്ടലുണ്ടെന്ന് ഡോക്ടര് പറഞ്ഞു, പരിക്കിനനുസരിച്ചാണ് കൈയില് പ്ലാസ്റ്ററിട്ടത്'; എല്ദോ എബ്രഹാം
ലാത്തിചാര്ജില് തന്റെ കൈക്ക് പൊട്ടലേറ്റിട്ടില്ലെന്ന പോലീസ് റിപ്പോര്ട്ട് മുഖവിലയ്ക്കെടുക്കുന്നില്ലെന്ന് എംഎല്എ എല്ദോ എബ്രഹാം.
'കൈക്ക് പൊട്ടലുണ്ടെന്ന് ഡോക്ടര് പറഞ്ഞിട്ടുണ്ട്. പരിക്കിനനുസരിച്ചാണ് കൈയില് പ്ലാസ്റ്ററിട്ടത്. വ്യാജമായ ഒരുപാട് റിപ്പോര്ട്ടുകള് കൊടുത്ത് ശീലമുള്ളവരാണ് പോലീസ്. എന്നെയടക്കമുള്ള നേതാക്കളെ മര്ദ്ദിക്കുന്ന ദൃശ്യങ്ങള് മാധ്യമങ്ങള് പുറത്തുവിട്ടിട്ടുണ്ട്. മര്ദ്ദനമേറ്റ ശേഷം അതിന്റെ ആഴം അളക്കുന്നത് ഒരു നല്ല ശീലമല്ല. നിരവധി സമരങ്ങളില് താന് പങ്കെടുത്തിട്ടുണ്ട്. മര്ദ്ദനമേല്ക്കുന്നതില് ഒരു മടിയും ഉണ്ടായിട്ടില്ല.' - എല്ദോ എബ്രഹാം പറഞ്ഞു.
ലാത്തിചാര്ജുമായി ബന്ധപ്പെട്ട അന്വേഷണ റിപ്പോര്ട്ട് എറണാകുളം ജില്ലാ കളക്ടര്ക്ക് പോലീസ് നല്കിയതിനെ കുറിച്ച് പ്രതികരിക്കുകയായിരുന്നു അദ്ദേഹം.
No comments